Os socialistas de Mondoñedo emprazaron ao PP a marcar prioridades. “Si hai axudas para pagar o servizo de autobús á piscina de Foz, tamén teñen que existir axudas destinadas aos estudantes do noso concello, co fin de que poidan desprazarse a estudar a outros centros educativos da Mariña”
Mondoñedo, 2 de decembro de 2024. Os Socialistas de Mondoñedo rexeitaron no pasado pleno, celebrado en novembro, o “pobre orzamento do PP”, xa que non responde ás demandas da veciñanza. Hai que lembrar que no apartado de investimentos e inversións só aparecen consignados 32.064 euros do Concello, “unha cifra paupérrima, que non serve para dar resposta a ningún reto relevante na nosa cidade”. A votación do orzamento foi aprobado co voto de calidade do Alcalde, xa que houbo un empate na votación con 5 votos, ao non asistir un concelleiro do PP á sesión plenaria, que non se celebraban dende fai 4 meses.
Segundo se desprende do orzamento do 2025 o montante total ascende a un total de 3.903.185 euros, e só reflicte un aumento con respecto ao último ano, de 88.567 euros. Os gastos de persoal supoñen un investimento de 1,769.584 euros das arcas públicas municipais.
Dende o PSdeG de Mondoñedo tamén advirten do gasto en publicidade e propaganda por parte do PP. “Este anualidade a partida supón un montante total de 50.600 euros, que segue sendo avultada, pero temos que recoñecer que descendeu, xa que en anualidades anteriores chegou a supoñer preto de 100.000 euros ao ano, un auténtico despropósito. Cando pola contra a partida correspondente ao fomento de emprego é de 50.891 euros, estas son as prioridades nas contas”, remarcan os socialistas.
Outras das demandas do PSdeG ao Goberno do PP está relacionada co “despilfarro económico dos chiringuitos que promove”, como por exemplo o ximnasio. “Actualmente supoñen un gasto mensual de máis 1.000 euros ao mes aos veciños de Mondoñedo, nun local que non reúne as mínimas normas de accesibilidade, e que non conta nin con duchas nin baños adaptados”, advirten.
Na sesión plenaria, o Grupo Socialista tamén pediu explicacións ao PP pola deficiente xestión económica. “O Concello non pode permitirse o luxo de seguir devolvendo subvencións, este ano xa renunciou unha axuda de Agader de 60.000 euros, e ten que devolver outra subvención de Atención Temperá de 2021 de 14.000 euros. Hai que traballar e estar encima dos proxectos”, din.
Nesa liña, tamén aludiron á xustificación doutras inversións no Concello. “Tamén nos chama profundamente a atención que a Xunta (a través do IGVS) sufrague gastos para o centro de rexeneración urbana, que son arredor de 14.477 euros en cada xustificación, pero que non se contrata a ninguén para o servizo de urbanismo. Xa que estes gastos do IGVS xustifícanse coas nóminas da arquitecta, traballadora social e unha administrativa, e non se reforza a plantilla municipal, cando realmente si existe orzamento para facelo”, subliñan dende o PSdeG.
Os socialistas de Mondoñedo emprazaron ao PP a marcar prioridades. “Si hai axudas para pagar o servizo de autobús á piscina de Foz, tamén teñen que existir axudas destinadas aos estudantes do noso concello, co fin de que poidan desprazarse a estudar a outros centros educativos da Mariña”, reclaman.
Subida da auga e do IBI
Nesta mesma sesión plenaria tamén se aprobou, a actualización das tarifas da auga en base á revisión dos prezos conforme ao IPC (10,8%), así como a modificación do IBI, no tocante aos bens inmobles urbanos que queda fixado no 0,60 por cento (e estaba no 0,50). Dende o PSdeG abstivémonos en ámbalas dúas votacións, “por unha banda entendemos que o Concello precisa de máis recursos económicos para poder dar resposta ás demandas da veciñanza. Pero a nosa pregunta que nos facemos é: “subir os impostos para que qué e para quen?, en que se van gastar eses novos recursos económicos?”, insisten os socialistas. Hai que lembrar que actualmente hai ordenanzas municipais sen actualizar dende fai máis de 20 anos, como por exemplo a do cemiterio municipal.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
