A zona afectada abrangue a explanada sur entre a piscina e o Club Kayak, o que supón o 70% da superficie solicitada polo Concello e reserva os terreos precisos para a remodelación recollida nos Orzamentos da Xunta con 4,5 millóns
Foz, 12 de decembro de 2024. O alcalde de Foz, Fran Cajoto Caserío, e a concelleira de Facenda, Inés López Couto, mantiveron na mañá deste xoves unha reunión de traballo co presidente de Portos de Galicia, José Antonio Álvarez Vidal, e o seu gabinete técnico.
Portos de Galicia presentoulle ao alcalde unha proposta de cesión en resposta ao escrito enviado polo Concello en outubro do ano 2021. “Agradecemos o carácter construtivo da reunión na que Portos plantexa ceder ao Concello a explanada portuaria entre as instalacións do club Kayak e a piscina municipal, así como a rúa Valle Inclán, que son titularidade do ente autonómico. Desde o Concello propuxemos algunha posible ampliación á cesión, que o presidente se comprometeu a estudar”, explica o alcalde de Foz.
“Este desbloqueo dun expediente, que leva tres anos dende a súa solicitude, é traballo tamén do presidente da FEGAMP, Alberto Varela, e do grupo parlamentario socialista. Debo agradecerlle a Lara Méndez o traballo feito para reverter a situación actual e evitar o pago polo uso deses terreos con usos como o mercado municipal, a aula de seguridade vial, a piscina ou as propias festas patronais”, destaca Fran Cajoto.
Na reunión tamén se trataron outros temas de interese para Foz relacionados co porto: a dragaxe da canle de entrada e do peirao, pendente dunha autorización de Costas; a ampliación dos amarres en Portochico; a estabilidade do noiro no Curveiro; o estado do firme na explanada portuaria; o mural da antiga fábrica de xeo; a conservación do actual edificio da depuradora para usos municipais; e a ordenación do espazo das autocaravanas.
O presidente de Portos de Galicia e o alcalde de Foz citáronse para próximas reunións para seguir traballando sobre todos estes asuntos.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
