Alfoz, 25 de xaneiro de 2025. A alcaldesa de Alfoz, Efigenia Maseda, mantivo este venres unha reunión co xerente do Consorcio Galego de Servizos de Igualdade e Benestar, Perfecto Rodríguez, para tratar diversos asuntos relacionados coa mellora dos servizos municipais que afectan directamente á calidade de vida da veciñanza.
Entre os temas abordados destacaron as actuacións necesarias para mellorar as instalacións da Vivenda Comunitaria e da Escola Infantil “A Galiña Azul”, así como a problemática que afecta á prestación do Servizo de Axuda no Fogar (SAF), un servizo fundamental para apoiar ás persoas en situación de dependencia e ás súas familias.
A alcaldesa cualificou a reunión como “positiva e produtiva”, destacando o compromiso do Consorcio para estudar as necesidades do municipio e avanzar nas actuacións. “Foi unha reunión onde abordamos temas prioritarios para Alfoz. Confío en que este traballo conxunto permita mellorar os espazos e servizos destinados tanto á nosa infancia como ás persoas maiores que máis o precisan”, declarou Efigenia Maseda.
Desde o Concello de Alfoz seguirase traballando para garantir a implementación destas melloras e facilitar a súa execución nos próximos meses, reforzando así o compromiso coa igualdade e o benestar da veciñanza.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
Este venres visitaron Ferrol e As Pontes, e o sábado serán os actos institucionais de benvida no concello de Ribadeo. Pola mañá será inaugurada unha placa conmemorativa da visita, e despois a recepción oficial na Casa do Concello.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
