Ribadeo, 9 de xaneiro de 2025. Ribadeo está na axenda da Xunta, así o subliñou o alcalde, Dani Vega, despois de reunirse con Alfonso Rueda, o presidente. A administración galega destinará 9 millóns de euros a varios proxectos importantes.
O rexedor contou que “mantivemos onte unha reunión de traballo co presidente da Xunta. O primeiro que debo facer é dar as grazas por ser o primeiro alcalde ao que recibe no 2025”.
Vega destacou que “Ribadeo está na axenda da Xunta, iso puidémolo observar no día de onte, está con orzamentos, está con traballo e está con dedicación”.
Para o alcalde ribadense “foi unha reunión produtiva, unha reunión onde se trataron os asuntos máis importantes que ten Ribadeo nos próximos anos. O primeiro deles: o abastecemento da auga. A xestión foi de 7,5 millóns de euros, a maior inversión da historia de Ribadeo. Vamos cerrar un asunto do que se falaba moito, pero non se poñía o orzamento, onde se analizou sistematicamente que había un problema, pero ninguén lle puxo a solución. Neste ano e sete meses puxémoslle solución ao maior problema que ten Ribadeo. Tiña e ten un problema serio, que se non lle poñemos solución temos o 95% de posibilidades de quedar sen auga. Polo tanto, isto solucionado con 7,5 millóns de euros”.
Na axenda de asuntos abordados polo presidente da Xunta e polo rexedor de Ribadeo tamén estivo o hospital asilo: “traballamos en novas liñas de financiamento na residencia hospital asilo. As obras avanzan a moi bo ritmo, vamos certificar en tempo e forma, pero necesitamos xa falar de solucións, por exemplo no equipamento. Aí estamos traballando, vamos concretar a cifra desde que teñamos un orzamento, entón empezamos xa a traballar na segunda parte de mellora do hospital asilo”.
Vega referiuse tamén á rúa Bos Aires: “a que baixa ao porto onde está o auditorio, contamos con 450.000 euros para poñerlle tamén solución e tamén para a nova oficina de turismo que vai ter Turismo de Galicia, así como a nova oficina de turismo de Ribadeo e un punto de información o peregrino, todo xunto na Casa Maseda. Neste caso tamén vamos ter o financiamento da Xunta de Galicia. Nestes momentos vamos encargar o proxecto e a partires de aí vamos ver a cifra e así solicitar esa xuda á Xunta de Galicia, que xa se comprometeu con esa colaboración”.
O alcalde de Ribadeo declarou: “son preto de nove millóns de euros a xestión que se fixo no día de onte. Creo que esta é a liña que hai que seguir, a colaboración coas distintas administracións, neste caso a Xunta de Galicia, co seu máximo responsable. Quero agradecer a disposición do presidente de colaborar con Ribadeo e todo o que falamos no día de onte é unha cantidade importantísima, 9 millóns de euros para que Ribadeo siga avanzando”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
