A institución provincial premiará con 1.600 euros ás mellores imaxes sobre patrimonio etnográfico material das Reservas da Biosfera Terras do Miño e Os Ancares
Lugo, 4 de xaneiro de 2025. O prazo para participar no VIII Concurso de Fotografía das Reservas da Biosfera, convocado pola Deputación de Lugo, continúa aberto ata o 20 de xaneiro. O obxectivo deste certame é poñer en valor o patrimonio etnográfico material das Reservas da Biosfera Terras do Miño e Os Ancares Lucenses.
Nesta edición, as fotografías deben estar vinculadas ao lema O Patrimonio Etnográfico Material das Reservas da Biosfera Terras do Miño e Os Ancares Lucenses. A iniciativa, enmarcada no compromiso da Deputación co impulso e conservación destes espazos naturais, conta cunha dotación económica total de 1.600€, distribuídos entre os tres primeiros clasificados, con premios de 800€, 500€ e 300€, respectivamente.
A temática deste ano busca fomentar as actividades de lecer en espazos naturais, especialmente nos sendeiros que percorren estes territorios. As fotografías deben centrarse en elementos representativos do patrimonio etnográfico, como hórreos, muíños, aceas, lavadoiros, fontes, pontellas, cortíns, pallozas e outras construcións tradicionais, que son testemuño do aproveitamento sostible dos recursos naturais polos nosos devanceiros. O xurado seleccionará as mellores imaxes segundo os criterios de composición, orixinalidade e calidade estética.
Como participar
As persoas interesadas deberán presentar unha única fotografía inédita, que non pode ter sido premiada en edicións anteriores. As fotografías deberán ser enviadas ou entregadas no Rexistro Provincial do Pazo de San Marcos ou remitidas por correo certificado. Se a solicitude se presenta nun rexistro distinto ao da Deputación Provincial de Lugo, será necesario remitir, na mesma data da presentación, un correo electrónico ao enderezo medioambiente@deputacionlugo.org, co xustificante da presentación da solicitude no rexistro correspondente.
As fotografías, que poden ser en branco e negro ou en cor, deberán ser tomadas dentro do territorio das Reservas da Biosfera Terras do Miño e Os Ancares Lucenses. As imaxes deben presentarse en formato dixital (CD ou memoria USB), acompañadas dunha copia en papel fotográfico. Toda a documentación deberá ir dentro dun sobre no que se inclúan os datos persoais do participante, o título da obra e o nome do lugar onde se realizou a fotografía.
As bases completas do concurso e toda a información está dispoñible na páxina web: https://deputacionlugo.gal/gl/temas/medioambiente/concursofotografiaRRBB
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
