“Somos o concello con máis poboación da Mariña e o terceiro da provincia de Lugo, as demandas dos nosos veciños e veciñas merecen ser tratadas nun encontro co presidente da Xunta”, asegura a alcaldesa
Viveiro, 10 de xaneiro de 2025. A alcaldesa de Viveiro, María Loureiro, pediulle de novo unha reunión ao presidente da Xunta, Alfonso Rueda, na que falar de asuntos estratéxicos para Viveiro.
“Diríxome novamente a vostede co fin de reiterar a solicitude de reunión que este concello ten solicitada para tratar diversos asuntos de grande importancia para Viveiro. Neste sentido, cómpre lembrar que enviamos unha primeira solicitude de reunión en 2022 e unha segunda en 2024”, lembra Loureiro nunha carta enviada a Rueda.
“Nesta xuntaza desexamos tratar diversos asuntos de grande importancia para o noso municipio, como por exemplo a creación da Variante de Viveiro, a situación da sanidade e outros proxectos para a vila”, engade a alcaldesa.
María Loureiro considera que “se ben é certo que vimos xestionando algúns temas coas diferentes consellerías da Xunta de Galicia, entendemos que hai outras cuestións que, pola súa relevancia, deberían ser tratadas entre a alcaldesa de Viveiro e o presidente do goberno galego”.
“Igual que vén recibindo a outros alcaldes, debería ser posible axendar unha xuntanza na que o Concello de Viveiro, que por poboación é o máis grande da comarca da Mariña e o terceiro da provincia de Lugo, poida ser recibido polo presidente da Xunta de Galicia para manter un encontro que nos permita abordar con profundidade diversas cuestións de vital relevancia para o noso municipio”, remata Loureiro.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
