“Estamos diante dun novo exemplo do abandono do Goberno central á provincia de Lugo en materia de infraestruturas, porque tamén hai que comprobar o lamentable estado da N-540 ao seu paso polo concello de Chantada, a mala xestión en materia ferroviaria ou a eliminación de paradas de autobuses”, sinalou Nicole Grueira
Compostela, 23 de xaneiro de 2025. O Parlamento de Galicia aprobou hoxe por unanimidade a proposición non de lei do Grupo Popular a través da que se solicita ao Goberno central que inicie con carácter urxente as obras de mellora da estrada N-640 no tramo limítrofe entre os concellos de Meira e Pastoriza, especialmente no punto quilométrico 60 e as súas proximidades, para garantir a seguridade dos usuarios e reducir o risco de accidentes. Así mesmo, pídese que manteña a rede viaria estatal en boas condicións, asegurando que se dispoña dun pavimento axeitado, sinalización visible e alumeado suficiente para favorecer unha circulación segura e fluída aos galegos e galegas.
A deputada popular Nicole Grueira lembrou que a estrada N-640 “é a principal arteria de comunicación para os municipios da comarca de Meira, a principal conexión entre Lugo e Asturias e unha das vías de comunicación máis empregadas para os desprazamentos desde a cidade de Lugo á Mariña oriental”. “Unha vía de gran importancia para o tráfico de curto e medio percorrido, empregada diariamente por transportistas, autónomos, transporte escolar, traballadores e veciños que dependen dela para desprazarse”, apuntou.
Porén, lamentou que “actualmente atópase nun estado lamentable que non permite realizar unha circulación segura e normal, que ademais pon en risco tanto a seguridade viaria como indirectamente tamén ao desenvolvemento económico da zona”.
LUGO, PROVINCIA ESQUECIDA PARA O GOBERNO CENTRAL
Nicole Grueira criticou que o Goberno de Pedro Sánchez, nunha resposta escrita aos deputados do Grupo Popular no Senado, afirmou que esta estrada atópase en “correctas condicións”. “Estamos diante dun novo exemplo do abandono do Goberno central á provincia de Lugo en materia de infraestruturas, xa que a N-640 non é a única infraestrutura que reflicte esta deixadez, porque só hai que comprobar o lamentable estado tamén da N-540 ao seu paso polo concello de Chantada, a mala xestión en materia ferroviaria ou a eliminación de paradas de autobuses”, sinalou.
“Lugo non pode seguir sendo unha provincia esquecida, cunhas infraestruturas que, ademais de insuficientes, están en condicións lamentables”, indicou a deputada popular, quen rematou subliñando que “pedimos o mínimo que se pode esixir a unha estrada nacional: un pavimento seguro, unha sinalización visible, un alumeado adecuado e un mantemento continuo para evitar chegar a estes niveis de degradación”.
O cambio resulta necesario porque a instalación das atraccións impide o paso dos camións de recollida por estes puntos. O contedor situado na Travesía Granxas trasladarase á avenida de Vilalba, mentres que o instalado na rúa Antonio Roca pasará á rúa Suasbarras. Ademais, o Concello reforzará a dotación de contedores no Campo da Festa e no Campo da Pascua, onde se colocarán máis unidades para atender o incremento de residuos previsto durante a celebración. Desde o Concello agradécese a comprensión á veciñanza polos cambios realizados e lémbrase a importancia de depositar os residuos nos contedores situados nas novas localizacións, co fin de facilitar o correcto funcionamento do servizo de recollida.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
