Viveiro, 17 de xaneiro de 2025. A Tenencia de Alcaldía de Viveiro realizará unha presentación ante a veciñanza do seu Plan de Accesibilidade, que terá lugar o vindeiro xoves 23 de xaneiro ás 19:00 horas na sala multiusos do Concello.
A tenenta de alcaldesa e responsable da Área de Accesibilidade, Míriam Bermúdez García, estará acompañada por profesionais especializados para explicar os detalles deste proxecto que considera “clave para garantir unha mobilidade máis segura e cómoda para toda a veciñanza”.
No acto intervirán tamén Álvaro García Bustelo, membro da Xunta Directiva de COGAMI e responsable da Área de Accesibilidade; Diego Piñeiro Pérez, arquitecto especialista en accesibilidade e responsable da auditoría realizada; e Alejandro Rodríguez González, arquitecto encargado da redacción do Plan de Accesibilidade.
Bermúdez afirma que este plan busca “mellorar as condicións de accesibilidade nos espazos públicos de Viveiro, eliminando barreiras arquitectónicas e promovendo solucións que permitan unha maior autonomía para todas as persoas, especialmente aquelas con mobilidade reducida”.
A tenenta de alcaldesa destacou a “importancia deste proxecto para construír un Viveiro máis igualitario”, reafirmando a súa aposta por un municipio máis accesible e sinalando que “a accesibilidade é unha cuestión de dereitos e de xustiza social”.
“Con este plan queremos avanzar cara a un concello máis inclusivo, no que todas as persoas poidan moverse con liberdade e seguridade”, apunta Bermúdez.”Convido a toda a veciñanza a asistir á presentación para coñecer de primeira man os cambios que se propoñen e para achegar as súas ideas e necesidades, xa que a accesibilidade benefícianos a todas e todos”, engade.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
