Os deputados populares acuden a Fitur a apoiar a promoción turística da provincia de Lugo e dos seus 67 concellos, pero tamén a aprender do que están facendo outras provincias de España e observar o que fan outros territorios fóra do país
Lugo, 21 de xaneiro de 2025. Os deputados do Grupo Provincial Popular participarán dende mañá nunha nova edición de Fitur, unha das citas máis importantes do mundo para o sector turístico, e na que “agardamos que o goberno de José Tomé estea á altura para difundir de forma axeitada” a provincia de Lugo e todos os seus reclamos turísticos.
Os deputados populares lamentan que “ata o último momento” non se revelase a campaña que a Deputación de Lugo levará a Fitur, unha acción que “seguramente se deba á improvisación por parte do goberno provincial”.
Pese a todo, dende o Grupo Provincial Popular agardan que Fitur “sexa o revulsivo” que precisa o turismo da provincia de Lugo “un sector que cun goberno do Partido Popular á fronte da Deputación si que se coidou e tivo a este sector como unha referencia de xeración de riqueza e como un dos motores económicos da provincia”.
Un exemplo da implicación e o traballo por parte do Partido Popular “foi a aposta polos embarcadoiros e catamaráns, mentres que José Tomé, o PSOE e o BNG prefiren non coidalos ata o punto de crear un desguace para os catamaráns na nave que a Deputación de Lugo ten en Begonte”.
“Se de verdade se preocupasen por atraer turistas á provincia comezarían polo básico, que é ter unhas estradas en boas condicións de mantemento e desbrozadas”, xa que, cómpre recordar que “no 2024 houbo moitas estradas da Mariña completamente cheas de maleza, dificultando a circulación e a visibilidade xa no mes de xullo, coa campaña de verán xa comezada”.
Os deputados populares ven fundamental “activar” o Consorcio de Turismo Provincial “como un ente no que todos os participantes poidan realizar propostas, sexan debatidas, e, entre todos, chegar aos mellores consensos para fomentar a chegada de turistas á provincia”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
