Os populares convidan á alcaldesa a dirixirse a ambas administracións para que “adopten as medidas que están nas súas mans en función das súas competencias”
Vilalba, 25 de xaneiro de 2025. O PP de Vilalba pedirá o apoio de tódolos grupos políticos no vindeiro Pleno a unha iniciativa que ten por obxectivo a cobertura de prazas de médicos e pediatras.
Os concelleiros do Partido Popular amosan a súa preocupación pola falta de médicos de atención primaria e pediatras no centro de saúde que ocasiona, en numerosas ocasións, cambios de citas ou anulacións que prexudican aos veciños e veciñas de Vilalba. Así, propoñen que o Concello se dirixa tanto ao Goberno de España coma ao da Xunta de Galicia “para que cada administración adopte as medidas que están nas súas mans en función das súas competencias”.
Concretamente, os populares convidan á alcaldesa á dirixirse ao Goberno de España para que axilice o proceso de homologación de títulos dos profesionais sanitarios, tome as medidas necesarias para favorecer que haxa máis profesionais nas especialidades de medicina de familia e pediatría e evitar prazas vacantes, eliminar a taxa de reposición e axilizar a formación na especialidade de médico urxencia. Así mesmo, a iniciativa do Grupo Municipal Popular propón instar ao Concello a dirixirse formalmente á Xunta de Galicia para que se cubran, no menor tempo posible, as prazas de profesionais de atención primaria e pediatría no centro de saúde de Vilalba, sempre e cando haxa profesionais dispoñibles que así o permitan.
A falta de especialistas en atención primaria é un dos principais desafíos que afronta a sanidade pública. Os problemas relacionados coas posible demoras en atención primaria veñen motivados polas dificultades de cobertura debido ao déficit de médicos de familia que se da en toda España.
“As distintas comunidades autónomas -tamén as gobernadas polo PSOE como, por exemplo, Asturias, Cataluña ou Castela – A Mancha- enfróntanse ao mesmo problema: non poden contratar máis médicos porque non hai profesionais dispoñibles”, explican.
“Existen dificultades para incorporar persoal facultativo especialista en determinados ámbitos e postos; a pesar das medidas adoptadas nos últimos anos polo Goberno galego” para incentivar a oferta de vínculos temporais de longa duración ou a asignación de puntuacións específicas pola prestación de servizos en hospitais comarcais e en centros sanitarios illados con prazas de difícil cobertura.
Galicia foi pioneira na aprobación da lei 2/2022, de 6 de outubro, de medidas extraordinarias dirixidas a impulsar a provisión de postos de difícil cobertura de determinado persoal estatutario con título de especialista en ciencias da saúde do Servizo Galego de Saúde.
Os populares lembran, así mesmo, que “PSOE e BNG votaron en contra destas medidas no Parlamento de Galicia”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
