Barreiro, Balseiro e Serrano fixeron balance da actividade no Senado durante o último ano 2024 acompañados pola presidenta provincial, Elena Candia
Lugo, 17 de xaneiro de 2025. A presidenta do PP de Lugo, Elena Candia, mantivo unha xuntanza cos senadores do PP lucense – José Manuel Barreiro, José Manuel Balseiro e Juan Serrano- para analizar a actividade no Senado durante o ano 2024. Candia destacou “o noso traballo na defensa dos intereses dos lucenses e dos distintos sectores produtivos e para o desenvolvemento da provincia” fronte a outras forzas que sosteñen o Goberno de España que “sempre se poñen do lado dos intereses de Sánchez”.
Os senadores populares fixeron un pequeno balance da actividade no Senado no 2024 durante o que lembraron tanto a propia actividade na Cámara Alta como “o traballo a pé de rúa no noso territorio que nos permite escoitar as necesidades dos lucenses en relación a distintos sectores e ámbitos de actuación e tamén presentar iniciativas do seu interese”.
A presidenta destacou o compromiso do PP de Lugo cos lucenses, a coordinación do traballo e a implicación do Partido Popular cos asuntos que interesan aos lucenses e que afectan ao noso territorio. Así mesmo, incidiu en que “traballamos desde as distintas cámaras dende a responsabilidade e dando resposta ao apoio maioritario dos lucenses”.
Concretamente, teñen presentado un total de 159 iniciativas no Senado -entre preguntas con resposta escrita, en Pleno ou en Comisión, mocións en Pleno ou en Comisión e interpelacións. E, no último semestre do ano, contabilizan unha vintena de reunións con colectivos -alcaldes e portavoces, gandeiros, comité de Alcoa e empresarios-, visitas e outras accións en distintos concellos -Abadín, A Pastoriza, Cervo, Foz, Lourenzá, Palas de Rei, Pedrafita, Rábade, Sarria ou O Valadouro-, ademais da propia cidade de Lugo.
“A reivindicación da mellora das infraestruturas -tanto en autovías, estradas nacionais e a súa iluminación como na liña ferroviaria, a alta velocidade ou o Corredor Atlántico- fronte á discriminación que sofre a nosa provincia por parte do Goberno de Sánchez” é un dos principais ámbitos de actuación.
Tamén estiveron os senadores do PP moi pendentes da situación da industria galega e da lucense en particular -Alcoa e Altri- e doutros temas que “os alcaldes, portavoces, colectivos e veciños en xeral nos trasladan durante as visitas e reunións.
Por temas, os senadores diferenciaron tres bloques: asuntos relacionados coa provincia, temas relaciones coa cidade de Lugo ou asuntos de interese xeral para os españois ou para os distintos sectores que defende o Grupo Popular no Senado, algúns deles con especial repercusión na provincia.
Algúns exemplos son os temas que lles preocupan aos gandeiros como é “a protección do lobo e a desprotección da gandería” ou aos empresarios que precisan máis solo industrial a prezos competitivos. Tamén apoiamos as reivindicacións de sectores coma o do mar ou as perruquerías que piden rebaixar o IVE. E tamén da mellora das condicións e o aumento de efectivos dos Corpos e Forzas de Seguridade do Estado na provincia e dos funcionarios do Goberno que, recentemente, se vén afectados pola comprometida situación de Muface.
LUGO CIDADE
En relación coa cidade de Lugo, os senadores interesáronse polo emprazamento, proxecto e orzamento da futura Comisaría de Policía, o convenio asinado entre Concello e Confederación para evitar asolagamentos do río Rato e avanzar no Plan Paradai e sobre rehabilitación e recuperación de vivendas nos barrios de A Milagrosa e de Feijóo.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
