Viveiro, 17 de xaneiro de 2025. Desde o pasado mes de novembro de 2024, o microbús con prazas adaptadas para usuarias con cadeira de rodas que traslada ás persoas que padecen alzhéimer e outras enfermidades neurodexenerativas, desde o seu domicilio ata o Centro de Día de Celeiro (Viveiro), xestionado pola Cruz Vermella, está avariado.
O vehículo foi substituído por outro que non cumpre as mínimas medidas de seguridade para prestar un servizo público desde os distintos concellos da comarca da Mariña Occidental e Burela e que, para cubrir a dispersión poboacional, percorre uns 200 quilómetros diarios.
Este medio de transporte sufriu en varias ocasións avarías, tendo que facer o servizo de recollida familiares das usuarias e usuarios.
De ser sometida a unha inspección para verificar se cumpre as normas de seguridade, o resultado da mesma non será satisfactorio dado que a simple vista se detectan dous fallos graves:
– A ventá lateral traseira ten o cristal roto, suxeito con cinta.
– As persoas usuarias deben acceder por unha porta lateral que non conta cun chanzo e, no interior, as suxeicións das cadeiras de rodas representan obstáculos insalvables para persoas con grandes problemas de mobilidade.
“Confiamos que desde a dirección do Centro realicen as xestións oportunas para o restablecemento do servizo á maior brevidade posible, cun vehículo que reúna as condicións axeitadas e non haxa que lamentar algún tipo de accidente entre os usuarios e as usuarias do mesmo”.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
