Nese repaso pola situación actual das iniciativas empresarias proxectadas para a zona, o secretario xeral de Industria e Desenvolvemento Enerxético, Nicolás Vázquez, lamentou a exclusión da primeira resolución provisional para vales de hidróxeno do proxecto denominado Val do Eume
Santiago, 24 de febreiro de 2025. O secretario xeral de Industria e Desenvolvemento Enerxético, Nicolás Vázquez, mantivo esta mañá unha reunión de traballo con representantes da Asociación de Empresarios Seara. Unha cita que se enmarca na comunicación constante e fluída que están a ter a Xunta e o empresariado pontés para abordar o seguimento dos proxectos industriais que se asentan ou se van asentar na comarca.
Vázquez explicoulles que o Goberno galego segue a traballar para axilizar o asentamento das iniciativas que teñen As Pontes como destino, co fin de facilitar a reindustrialización da comarca tras o peche da central térmica. Nesta liña, tanto o secretario xeral de Industria como os representantes de Seara coincidiron na necesidade de apoiar o desenvolvemento industrial en Galicia, e en concreto, en As Pontes.
Neste punto, ambos lamentaron a exclusión na resolución provisional da primeira convocatoria do programa Vales de Hidróxeno Renovable do proxecto denominado como Val do Eume e impulsado por EDP e Reganosa en colaboración con Forestal del Atlántico. Unhas iniciativas promovidas por dúas empresas galegas que foron declaradas estratéxicas polo Consello da Xunta e contan con declaración de impacto ambiental, autorización ambiental integrada e, con autorización administrativa no caso do proxecto para a produción de metanol verde en Mugardos.
O secretario xeral de Industria subliñou ao respecto que pese a este revés, a Xunta de Galicia seguirá traballando para que proxectos como estes, “maduros e ambientalmente viables”, sexan máis pronto que tarde unha realidade e “axuden a recuperar unha zona fondamente castigada como é a das Pontes”.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
