O delegado territorial de Lugo, Javier Arias, explica que a Consellería do Medio Rural destina preto dun millón de euros aos concellos da Terra Chá e Meira no marco do plan de acondicionamento de camiños para o período 2024-2025
Vilalba, 23 de febreiro de 2025. A Consellería do Medio Rural achega 110.400 euros para acondicionar vías municipais nas parroquias vilalbesas de Alba, Belesar, Rioaveso e Román con cargo ao plan de mellora de camiños para o período 2024-2025.
O delegado territorial da Xunta, Javier Arias, comprobou as actuacións executadas no vial de 4,3 quilómetros que parte da N-634, en Alba, e atravesa os barrios das Turbelas, O Curro, Cordal e Meire ata finalizar na igrexa e o cemiterio de Belesar.
Tamén se reparou un ramal que conduce a vivendas e parcelas agrícolas. Trátase dunha ramificación en dirección Norte cunha lonxitude de case 500 metros, que foi obxecto das mesmas intervencións que a vía principal.
As actuacións consistiron na limpeza e apertura de noiros para facilitar a saída da auga da calzada cara os terreos perimetrais; a renovación do pavimento e a colocación de sinalización vertical.
Os outros proxectos que se financian con cargo a esta convocatoria consisten no acondicionamento dunha vía de aproximadamente 1,1 quilómetros que dá acceso á Bardela, na parroquia de Román; e outra de 1,8 quilómetros entre a estrada autonómica LU-120 e o núcleo de Cartemil, nas inmediacións das parroquias de Román e Rioaveso.
O delegado territorial destacou que todas estas actuacións reforzarán a seguridade e a comodidade na circulación por estas vías que dan acceso a vivendas, parcelas agrícolas e explotacións agrogandeiras da zona.
Explicou que o plan de mellora de camiños para os anos 2024 e 2025 suma 948.000 euros en achegas da Xunta aos concellos da Terra Chá e Meira para rehabilitar infraestruturas viarias municipais.
Nova convocatoria
Por último, Arias apuntou que o Goberno galego activou unha nova convocatoria do Plan Camiña Rural para o período 2025-2026, dotado con preto de 19,5 millóns de euros de fondos propios. Serán subvencionables as actuacións de ampliación, mellora e mantemento de camiños.
Todos os concellos de Galicia poden ser beneficiarios destas axudas co cumprimento de dous requisitos principais. Deberán ter remitidas ao Consello de Contas as contas do último exercicio orzamentario antes do vencemento do prazo de presentación da solicitude e estar ao día no cumprimento das súas obrigas tributarias e fronte á débeda coa Administración Pública de Galicia.
Pártese dunha asignación fixa por localidade que se incrementa en función do número de entidades de poboación e outros criterios relacionados coa superficie e a localización do municipio.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
