A Delegación Territorial acolleu hoxe a presentación do cartel da 18ª edición, que se celebrará os días 25 e 26 de abril no Campo da Feira da localidade
Lugo, 4 de febreiro de 2025. A Delegación Territorial da Xunta en Lugo acolleu hoxe a presentación da 18ª edición do FIV de Vilalba, que se celebrará no Campo da Feira da localidade os días 25 e 26 de abril.
O delegado territorial, Javier Arias, participou na convocatoria na que se deu a coñecer o cartel completo deste ano xunto coa directora xeral de Relacións Parlamentarias, Sandra Vázquez; a alcaldesa de Vilalba, Marta Rouco; o director do FIV, Carlos Montilla; e outros representantes das entidades patrocinadoras.
Arias destacou o apoio do Goberno galego a esta cita que contribúe a “potenciar a oferta turística e cultural” da provincia de Lugo e “ten un impacto positivo na economía local”. Neste senso, lembrou a aposta da Administración autonómica polo “turismo de festivais” e destacou que “seguiremos apoiando non só os festivais xa consolidados coma este, ou como o Resurrection e o Caudal Fest, senón tamén a outros que comezan”.
Subliñou ademais o impulso á participación de bandas galegas co apoio da Axencia Galega das Industrias Culturais a través das axudas para fomentar a contratación de artistas da Comunidade en festivais de música, das que este festival resultou beneficiario na edición de 2024. “Desta forma dáselle visibilidade ao talento galego en citas estratéxicas como o FIV”, explicou.
O cartel do FIV desta edición inclúe as actuacións de Varry Brava, Joe Crepúsculo, Cycle, Shinova, León Benavente, The Rapants e Leria. Como DJs completan o programa Galician Army, Juancasupersub DJ Set e os lucenses Grande Osso.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
