Os nacionalistas proporán no próximo pleno que se volvan a organizar
O Valadouro, 12 de febreiro 2025. Nos últimos anos, o concello de O Valadouro foi un referente no sector agrogandeiro para A Mariña e a provincia coa celebración do “Mes gandeiro” en febreiro, cando tiñan lugar a Feira de Razas Autóctonas, que no 2024 ía pola V edición, as conferencias e charlas técnicas para profesionais do sector, e a Feira tradicional de gando, unha feira que foi recuperada polos nacionalistas e que se celebraba sempre tamén no mes de febreiro. O programa deseñado e executado desde a concellarías que eran responsabilidade do BNG cando formaba parte do goberno, estaba inzado de actividades coma o Concurso Morfolóxico Oficial Cabalo de Pura raza galego, o Concurso de gando, a Demostración de doma e alta escola, as Carreiras de cabalo marchador, o Concurso de andadura….. e todo con importantes premios para os participantes.”Era un mes no que o Valadouro convertíase na referencia do sector gandeiro na comarca e na provincia, e no que se dinamizaba o pobo e a hostelería local, con degustacións nos bares de carne de poldro p. exp, coma no último ano, con actuacións musicais….Levounos tempo e traballo sacar adiante estas feiras e agora que xa estaban consolidadas e ían pola V edición como é o caso da Feira de Razas Autóctonas da Mariña, chegou o Partido Popular e eliminou todo esto que era moi importante e moi positivo para o concello” afirmou o portavoz do BNG Eduardo Chao.
Medio ano de goberno de Lamela: ningunha iniciativa, só destruir o construído
Chao manifestou a súa incredulidade pola decisión do Partido Popular de non continuar con estes importantes eventos que se estaban consolidando e contaban cos parabéns e apoio de todo o sector gandeiro. “Xa vemos agora para que tiña tanto empeño o Partido Popular en acceder á alcaldía pola porta de atrás: para destruír o que construímos nós desde o goberno municipal man a man cos nosos gandeiros” concluíu.
O BNG proporá no vindeiro pleno a recuperación destes eventos gandeiros que dinamizan a economía local e danlle valor aos produtos propios e a os principais recursos do Valadouro: o agro e a gandeiría. “Agardamos que o Partido Popular e a ex alcaldesa de Udival entren en razón e aposten pola recuperación destas feiras e eventos apoiando a iniciativa que imos presentar” manifestaron os nacionalistas.
Partido Popular, cultura a tempo parcial
Desde o BNG referíronse tamén á situación da Casa da Cultura que agora abre a tempo parcial, situación advertida tamén por moitos usuarios e usuarias que viron como desde o 9 ao 24 de xaneiro estivo pechada polas mañás estando aberta só en horario de tarde. A situación lonxe de correxirse, prolóngase no tempo pois o novo horario anunciado polo concello desde o 31 de xaneiro ata o 5 de marzo é de 9:00 a 14:00, quedando pechada pola tarde. “Obviamente non cuestionamos que o persoal teña que ter o seu correspondente descanso, pero haberá que organizar e xestionar ben para que o servizo siga funcionando como funcionou cando nosoutros levábamos a concellaría de Cultura” manifestou Eduardo Chao, quen recordou tamén que agora hai unha concelleira de cultura con dedicación e salario. “Con máis salario ca dedicación, polo que se ve”, subliñou o portavoz nacionalista e concluíu lamentando que a cultura non sexa algo prioritario para o PP.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
