Ante a falta de profesionais nas listas de contratación, cóbrese a asistencia sanitaria con prolongacións de xornada que realizan os facultativos do PAC de Viveiro, a quen o conselleiro agradece a súa implicación e compromiso
Santiago de Compostela, 26 de febreiro de 2025. O conselleiro de Sanidade, Antonio Gómez Caamaño, remarcou hoxe no Parlamento de Galicia que a asistencia sanitaria no concello de Ourol está garantida e sen demora, a pesar da falta de médicos para realizar substitucións.
O titular da carteira sanitaria da Xunta detallou no Pazo do Hórreo, en resposta a unha pregunta parlamentaria, que o municipio de Ourol conta con 762 usuarios que son atendidos por un médico de familia e unha enfermeira e, nestes intres, o médico está en situación de incapacidade temporal.
Para solucionar esta situación, e ante da falta de médicos nas listas de substitución, estase a cubrir a asistencia con prolongacións de xornada que realizan os facultativos do punto de atención continuada de Viveiro, a quen o conselleiro lle agradeceu a súa implicación e o seu compromiso, conseguindo así manter unha cobertura case completa desde o 21 de xaneiro e no mes de febreiro.
Gómez Caamaño subliñou que nestes momentos non hai demora para obter unha cita neste centro. Con todo, a situación vén derivada da falta de profesionais sanitarios que poder contratar, unha situación que está a padecer toda España, e ante a que o Goberno central, que é o que ten competencias, permanece impasible e alleo.
O titular da carteira sanitaria incidiu en que o Servizo Galego de Saúde e a Xerencia da área de Lugo procuran cubrir con prolongación de xornadas a asistencia no centro de saúde de Ourol. Lembrou, ademais, que en caso necesario os pacientes poden ir ao centro de saúde de Muras, que se atopa a 17 minutos, e que ten menos de dous días de demora.
Ademais, os servizos sanitarios urxentes do 061 están dispoñibles as 24 horas do día os 365 días do ano.
Gómez Caamaño remarcou que a Xunta está plenamente comprometida en garantir a asistencia sanitaria a pesar do déficit de profesionais sanitarios. Para paliar esta situación, o Goberno galego pediulle ao Ministerio de Sanidade que aumente a acreditación de prazas MIR, posto que a nosa comunidade xa oferta o 100 % das que ten acreditadas.
Tamén a Xunta lle demandou ao Executivo central que permita que os médicos poidan traballar ata os 72 anos se así o desexan, ademais de axilizar a homologación de títulos de especialistas en Ciencias da Saúde a médicos estranxeiros.
O conselleiro tamén lembrou que Galicia e o País Vasco xa impulsaron na pasada lexislatura un manifesto ao que se adheriron 14 comunidades autónomas para urxir ao Ministerio que solucionara o déficit de médicos.
Medidas da Xunta
Pola súa parte, e no ámbito das súas competencias, o conselleiro explicou que a Xunta impulsou ofertas públicas de emprego para prazas de difícil cobertura, iniciativa ao que os grupos da oposición no Parlamento galego votaron en contra.
Como mostra do compromiso da Xunta coa sanidade pública, Gómez Caamaño sinalou que o orzamento do Servizo Galego de Saúde aumentou en máis dun 45 % desde o último aprobado polo bipartito en 2009.
No que atinxe á atención primaria, desde 2018 a Xunta incrementou en máis de 450 millóns de euros os orzamentos para este nivel asistencial.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
