Xove, 21 de febreiro, 2025. O cartel de actividades para o Entroido 2025 xa está preparado en Xove e oferta este ano, desde un divertido baile de disfraces infantil o venres 28 de febreiro, ata o gran desfile de carnaval do sábado día 1 de marzo a partir das 17:00 h, onde se repartirán máis de 5.000€ en premios entre os mellores entroidos, comparsas e carrozas. Despois do desfile, o municipio de Xove promete un gran baile de disfraces ata a madrugada, amenizado con boa música.
A novidade deste ano, que comeza coma un proxecto ilusionante para o Concello de Xove, é a recuperación e posta en valor das dúas figuras tradicionais do entroido en Xove: a madamita e o galán. Estas dúas figuras foron recollidas e descritas na obra antropolóxica editada polo Concello de Xove e a Xunta de Galicia no ano 2006: A festa no aire. Tradición e lecer no Xove de antes. Nesta obra, as súas autoras: a traballadora social, Nelle Pérez Franco e a socióloga, Lucía Sánchez Meitín, realizaron durante o ano 2005 máis de cento cincuenta entrevistas ás persoas máis maiores das oito parroquias do municipio, relacionadas co tempo de ocio nas distintas partes do ano e da vida na sociedade campesiña que aquelas persoas recordaban. Durante estas entrevistas á veciñanza apareceron dúas figuras do entroido: a madamita e o madamito, das que lamentablemente non se atopou demasiado material gráfico.
Coa axuda das persoas entrevistadas, as autoras da obra realizaron a reprodución dun traxe e dun sombreiro de madamita, que foi unha das pezas fundamentais da exposición etnográfica realizada en Xove durante os meses de outubro e novembro do ano 2006, e que foi financiada polo Concello e pola Xunta de Galicia.
Durante estes case vinte anos que pasaron, o Concello non deixou de divulgar as súas figuras de entroido nos espazos dixitais e nas súas redes sociais. A gran novidade é que este ano 2025, o CEIP Plurilingüe Pedro Caselles Rollán de Xove sumouse con ilusión ó labor de recuperación e posta en valor das dúas figuras tradicionais do noso entroido: a madamita e o madamito de Xove, o que demostra o significativas que son para o noso patrimonio cultural inmaterial. Así, o alumnado traballa xa dende fai semanas na elaboración de dous manequíns con tódolos elementos dos traxes de madamita e madamito.
Previamente, mestres e mestras fixeron un traballo de divulgación do significado e a vestimenta das madamitas e galáns a través dunha presentación de diapositivas que cada grupo de alumnado visualizou na súa aula. Ademais, os Mandatos do Meco para o CEIP Pedro Caselles están este entroido 2025 relacionados coa formas de maquillaxe coa que as madamitas e os galáns pintaban as caras. As iniciativas propostas foron acollidas con ilusión polos nenos e nenas que incorporan estes entroidos dos seus devanceiros ó seu universo do carnaval actual.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Será o sábado 9 de maio ás 20 horas na Casa da Cultura. Homenaxeado: Xesús do Breogán, pola súa contribución á cultura e ao concello. Organiza: Son’s Varadero Foz. Colabora: Concello de Foz
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
