O Deputado de Promoción Económica e Social asistiu á presentación da novena edición desta ruta cicloturista, á que a institución achega 3.000€ para o desenvolvemento da proba que contará con tres distancias: 72, 55 e 40 quilómetros
Lugo, 20 de marzo de 2025. O Deputado de Promoción Económica e Social, Pablo Rivera Capón, participou este xoves na presentación da novena edición da Ruta BTT Terra Chá Queixo San Simón da Costa, que se celebrará o vindeiro sábado, 6 de abril, polos concellos de Vilalba, Muras e Xermade. A Deputación colabora un ano máis con esta cita cunha achega de 3.000€ para o seu desenvolvemento. O acto, que tivo lugar na Casa de Cultura de Vilalba, contou tamén coa presenza da Alcaldesa da capital chairega, Marta Rouco; o Alcalde de Xermade, Roberto García; o Alcalde de Muras, Manuel Requeixo; e o organizador da proba e presidente do Club Ciclista Terra Chá, José Carreira.
Pablo Rivera subliñou a consolidación desta cita como unha das máis esperadas para os amantes do ciclismo e do turismo de experiencias en Galicia. Destacou que o evento transcende do carácter deportivo, sinalando que “é unha experiencia completa, que invita a descubrir a nosa terra dun xeito diferente”. “A Ruta San Simón da Costa non é só para os que pedalean, senón para todos aqueles que queren vivir unha fin de semana especial, rodeados de deporte, natureza e gastronomía”, afirmou.
Así mesmo, o Deputado resaltou a diversidade dos percorridos, pensados para participantes de todos os niveis, “desde os máis atrevidos ata aqueles que buscan gozar dunha experiencia sen présas”. Lembrou que esta ruta encaixa perfectamente no modelo de turismo que promove a Deputación de Lugo, baseado en ofrecer experiencias auténticas e afastadas das masificacións.
“A través desta ruta, os participantes teñen a oportunidade de coñecer a fondo os nosos camiños, montes e vilas, ao tempo que se conectan coa nosa xente e a nosa historia”, afirmou Rivera Capón.
Finalmente, animou a todas as persoas a participar ou seguir a ruta como espectador “para desfrutar desta experiencia única e de todo o que ofrece a noa provincia”, concluíu o Deputado.
Tres percorridos e 300 prazas dispoñibles
A ruta dará comezo ás 09:00 horas con saída dende a Praza da Constitución de Vilalba. Poden participar todos os ciclistas maiores de 15 anos que teñan unha licencia federativa en vigor, cun máximo de 300 participantes. As inscricións de menores de 18 anos deberán ir acompañadas da autorización por escrito do pai, nai, ou titor legal do participante. Os interesados poden realizar as inscricións ata o día 1 de abril a través da páxina web de ccnorte.com.
Nesta nova edición, a ruta máis longa incrementa a dificultade cun percorrido de 72 quilómetros polos concellos de Vilalba, Xermade e Muras, con 2.000 metros de desnivel positivo. Con respecto á ruta de media distancia, conta con 55 quilómetros e 1.400 metros de desnivel positivo e, por último, a proba máis corta é de 40 quilómetros e 700 metros de desnivel positivo.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
