O delegado territorial, Javier Arias, explica que as accións AFD céntranse nas especialidades máis demandadas polas empresas
Mondoñedo, 11 de marzo de 2025. A Consellería de Emprego, Comercio e Emigración inviste 2,1 millóns de euros en 50 cursos dirixidos a persoas desempregadas que se imparten na Mariña, centrados en especialidades con demanda de profesionais.
O delegado territorial da Xunta, Javier Arias, explicou que se enmarcan na orde de axudas para impartir accións formativas AFD no período 2024-2025. No conxunto da provincia ofrécense 267 actividades con 5.100 prazas.
Arias visitou en Mondoñedo a academia Emergal Ensino, adxudicataria de varios cursos sobre distintas materias, como tanatopraxia, transporte sanitario, atención a persoas dependentes en institucións sociais ou atención sanitaria a vítimas de catástrofes, entre outros.
As accións AFD están promovidas por entidades profesionais, colectivos sen ánimo de lucro, centros de formación, empresas e administracións locais galegas.
No que respecta á Mariña, na última convocatoria concedéronse a cinco centros de ensino, ao Concello de Burela e á Cruz Vermella. As áreas de aprendizaxe son moi diversas. Destacan as relacionadas coa atención sociosanitaria e tamén abranguen os ramos da hostalería, a soldadura, a xestión administrativa e contable, o comercio, as actividades de ocio e tempo libre, así como o transporte e distribución, entre outros. Tamén se imparten clases para mellorar as competencias básicas en matemáticas, así como en comunicación en lingua galega e castelá.
Para optar a estes apoios deuse prioridade ás especialidades máis demandadas polas empresas galegas. As áreas formativas considéranse mesmo por bisbarra e, ademais de estar coordinadas co tecido produtivo galego, contan cun estudo elaborado pola Universidade de Santiago de Compostela (USC) en colaboración co Observatorio de Prospectiva do Mercado de Traballo da Consellería.
Os apoios autonómicos van dirixidos de xeito prioritario ás persoas desempregadas, aínda que tamén poden participar nos cursos as persoas traballadoras ocupadas ata un límite do 30% das prazas, sempre e cando non se cubran por persoas sen emprego.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
