Ribadeo, 8 de marzo de 2025. Ribadeo corre o risco e quedar sen auga. Así o asegura con preocupación o alcalde, Dani Vega. A solución está cada día máis cerca. O proxecto definitivo para a renovación da rede de abastecemento irá ao pleno do vindeiro 18 de marzo e a continuación o Concello sacarao a licitación.
O alcalde, Dani Vega, pregúntase: “¿Ribadeo queda sen auga?. É unha pregunta que nos facemos continuamente e a resposta, moi concreta, é si. Temos o 95% de posibilidades de quedar sen auga. Polo tanto, tiñamos que buscar unha solución, buscamos esa solución e xa vai ao pleno do martes, 18 de marzo, o proxecto definitivo que dará paso á licitación para que todas as empresas se poidan presentar para construír a nova rede de abastecemento da auga”.
O rexedor dixo que “Ribadeo ten un problema de rede, non ten un problema de captación hídrica. Toda a tubaxe que ven desde Vilarbetote a Ribadeo, vaise renovar por completo, porque estamos a sofrir roturas continúas. Todos os días hai un rotura”.
Vega subliñou que “non podemos permitir que Ribadeo quede sen auga. Se queremos que Ribadeo siga medrando en poboación, se queremos que se constrúan mais edificios, evidentemente debemos dar moitas respostas, pero unha delas é o servizo e o subministro de auga. Iso é traballar para o Ribadeo dos próximos anos. Iso é traballar pensando nos problemas importantes e prioritarios”.
O alcalde sinalou que “o subministro da auga que vai por debaixo da terra e non se ve, parece que non se valora, pero eu entendo que as administracións estamos para priorizar e estamos para traballar en buscar solucións. E esta foi unha solución, foi un traballo de forma unida entre todas as administracións. Eu agradézolle profundamente a Augas de Galicia, á Xunta de Galicia, todo o financiamento para resolver este problema, 7,5 milóns de euros, que non é moi fácil buscar esta inversión, buscar este orzamento. E tamén lle agradezo ao Consello de Trabada a colaboración para que conxuntamente con Ribadeo, que liderou a xestión, busquemos unha solución para tamén garantir ese servizo de auga a Trabada e, sobre todo, a Ribadeo”.
Para Dani Vega “un traballo ben feito acaba en bo porto e neste caso vai xa o proxecto o día 18 a pleno, aprobarase definitivamente e daremos paso á licitación. Un problema que tiñamos durante moitos anos, un problema que viñamos falando del, que se propoñían moitas ideas, que habían moitas persoas que falaban de posibles solucións, pero que nunca se concretou. E neste ano e pico de goberno, xa concretamos unha solución, xa temos o proxecto, aprobamos o proxecto e en breve o sacaremos a licitación. Polo tanto, un problema de moitos anos, ao que lle buscamos a solución entre todos”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
