Decidirán as entidades que recibirán as achegas para investigación e as súas contías
Burela, 12 de marzo de 2025. A Asociación Esperanza de loita e apoio contra o cancro celebrará este vindeiro venres día 14 a súa asemblea xeral anual no Salón de Conferencias de Burela (Antiga Biblioteca). A primeira convocatoria está fixada para as sete da tarde e para as sete e media a segunda.
Como é habitual darase conta das actividades realizadas en 2024, e tamén se informará aos asistentes do estado de contas da asociación. A directiva presentará o presuposto do colectivo para este ano 2025 e proporán e someterán á aprobación dos asistentes as distintas actividades a realizar durante o presente 2025.
Especial relevancia tén o referido ás entidades ás que este ano Esperanza entregará donativos para a axudar á investigación, prevención, diagnose e tratamento do cancro, así como de axuda ás persoas e familias afectadas. Na asamblea do vindeiro venres a directiva e asistentes estudiarán as distintas alternativas que se baraxan e tomarase unha decisión ao respecto, para procurar que as achegas económicas ás entidades poidan facerse antes do verán.
Esperanza anima ás persoas asociadas a participar activamente na asamblea, agradecendo de antemán a súa presencia. Asimesmo, tamén agradece a colaboración e aportación das persoas socias e a de todas aquelas persoas e entidades que colaboran a cotío coa asociación, para axudar a concienciar á sociedade da importancia de fomentar a investigación, así como mellorar a prevención, a diagnose e o tratamento, e afondar no apoio social ás persoas que sofren a enfermidade e ás súas familias.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
