O Goberno galego consolida o seu compromiso con este municipio mariñao, no que nos dous últimos anos investiu case 1,7 millóns de euros
Santiago de Compostela, 12 de marzo de 2025. A Consellería do Mar, a través de Portos de Galicia, iniciará na primavera deste ano a pavimentación da explanada do porto deportivo de Viveiro e a substitución das luminarias por dispositivos LED. Así llo trasladou o conselleiro, Alfonso Villares, que estivo acompañado polo presidente de Portos de Galicia, José Antonio Álvarez, á alcaldesa deste municipio, Mariña Gueimunde, nunha reunión de traballo, coa que a nova rexedora iniciou a rolda de contactos con outras administracións para atraer investimentos que permitan reactivar este municipio mariñao. Concretamente, o Goberno galego destina a estas dúas actuacións máis de 215.300 euros, que se distribúen do seguinte xeito: máis de 95.300 para a explanada e 120.000 para o proxecto eléctrico.
Villares, que aproveitou a ocasión para felicitar en persoa a Gueimunde, quen vén desempeñando dende o ano 2023 o posto de xefa territorial de Mar na provincia de Lugo, tamén asumiu o compromiso de poñer en marcha a que é unha das prioridades da rexedora nestes intres: a rehabilitación e humanización do peirao vello. Deste xeito, ambas partes acordaron que un equipo de Portos de Galicia se desprazará a Viveiro na vindeira semana co fin de coñecer a situación e proceder á redacción do proxecto de acordo entre ambas partes.
Pendentes de Costas
No transcurso do encontro, coincidiron en sinalar que a Consellería non pode proseguir co proxecto de ampliación do dique de abrigo, que está en tramitación ambiental e administrativa, debido a que o departamento de Costas do Estado continúa sen facilitar a documentación necesaria para que a administración autonómica dea continuidade ao procedemento administrativo e executar esta actuación, que ten un investimento previsto de 1 millón de euros. A este respecto, a alcaldesa adiantou que remitirá un escrito ao departamento estatal, co fin de desbloquear o proxecto.
Compromiso con Viveiro
A Consellería do Mar mantén así o seu compromiso con este municipio, no que se asenta un dos portos de máis envergadura do Cantábrico. Concretamente, nos últimos dous anos, este esforzo inversor elevouse aos case 1,7 millóns de euros, cos que se executaron os seguintes proxectos: ampliación de pantaláns, rehabilitación da nave de redes, renovación de firmes e pavimentos e mellora da iluminación da zona norte.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
