Presenta unha candidatura que representará a tódalas comarcas da provincia, onde terán cabida tanto alcaldesas e alcaldes como portavoces na oposición, e desde militantes históricos do PSOE ata membros das Xuventudes Socialistas de Lugo
Lugo, 27 de marzo de 2025. Iván Castro, deputado provincial e portavoz socialista en Paradela presentou hoxe a súa precandidatura á Secretaría Provincial do PSdeG-PSOE de Lugo.
Castro presentaralle á militancia da provincia un programa baseado en “devolverlle a ilusión á militancia. Apostamos por un proxecto renovador que conte con todas e con todos, con humildade, traballo e proximidade aos concellos”.
O precandidato socialista estivo na sede do partido acompañado, entre outros de Mayra García Bermudez, ex-alcaldesa de Trabada, Juan José Díaz Valiño, ex-secretario de organización provincial, José María Arias, alcalde de Castroverde, Marisol Morandeira, alcaldesa de Guitiriz, José Fernández, alcalde de Navia, Judith López e Alba Sinde portavoces no concello de O Saviñao e Castro de Rei respectivamente, David Rodríguez, Secretario de Organización do PSdeG en Monterroso , tamén o acompañou a Secretaria de Organización das Xuventudes Socialistas de Lugo Elena Cordero.
Iván Castro presenta unha candidatura na que conflúen compañeiros e compañeiras que ostentan responsabilidades de goberno como alcaldesas e alcaldes, pero tamén a moitos portavoces en concellos onde o PSOE está na oposición.
A candidatura aposta por unha profunda renovación do PSOE de Lugo, pero ao mesmo tempo conta co respaldo de socialistas históricos que ven necesario “darlle un novo impulso ao Partido en Lugo”.
Iván Castro, é un militante de 32 anos que conta cunha traxectoria vinculada ao municipalismo e a militancia de base. O proxecto que representa aposta por unha renovación profunda do partido, fortalecendo o papel das agrupacións locais e garantindo unha estrutura máis próxima e útil para a militancia.
“É o momento de abrir unha nova etapa no socialismo lucense, na que cada agrupación local teña voz e protagonismo, e na que os afiliados sintan que o partido traballa para eles, ofrecéndolles ferramentas, formación e apoio no seu labor político”, declarou Castro.
O proxecto que encabeza pon o foco na modernización do partido, a descentralización da xestión provincial e a creación de espazos de participación activa para a militancia. “Necesitamos un PSOE de Lugo dinámico e próximo con eficacia, que traballe día a día ao servizo dos seus afiliados e da cidadanía”, engadiu.
Nas próximas semanas, Iván Castro establecerá un contacto directo coa militancia para presentar as súas propostas e abrir un proceso de escoita activa. “Queremos construír este proxecto entre todos e todas, desde a base, mantendo o contacto directo con quen sostén este partido co seu esforzo e compromiso diario”.
A candidatura preséntase co obxectivo de unir ao partido ao redor dun proxecto renovador que reforce a súa estrutura, revitalice a súa militancia e prepáreo para os retos de futuro. “O PSOE de Lugo ten que ser un referente de participación, compromiso e proximidade, e para iso é imprescindible abrir unha nova etapa organica no partido”
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
