Ribadeo, 13 de marzo, 2025. O BNG de Ribadeo ven de denunciar que o Concello perdeu un convenio asinado coa Xunta de Galicia para a renovación da contorna do Parque dos Indianos ao non poder poñer 12.000€ do total de 47.000€. Este convenio caducou o 31 de decembro de 2024 sen que o Concello de Ribadeo fixera a súa achega económica, caendo o convenio e quedando sen levar a cabo esa actuación.
Segundo o voceiro do BNG de Ribadeo, Pablo Vizoso: “Levamos meses alertando sobre a situación económica á que está levando o concello o goberno do PP. Co paso do tempo imos comprobando que o malgasto acaba tendo consecuencias no día a día, e neste caso podemos ver un triste exemplo. O convenio para a renovación da contorna do Parque dos Indianos decaeu porque o concello non puido achegar os 12.000€ que lle correspondían para poder realizar as obras. Volvo repetilo: a mala xestión sempre ten consecuencias. Non serve de nada asinar convenios se despois o concello non é quen de asumir unha pequena porcentaxe desa inversión”.
Ademais, Vizoso engadiu que: “Chegamos ao punto de que o goberno municipal tivo que solicitar un crédito de case un millón de euros a finais do ano 2024 para poder optar a subvencións e convenios e pagar parte do gasto pendente ao ter as contas municipais completamente baleiras. Pero a mala xestión non é só económica; no caso da contorna do Parque dos Indianos atopámonos con que, desde outubro do ano 2023, deixaron a medio facer e mal a rúa que atravesa da Avenida de Galicia ao propio Parque, cunhas beirarrúas inaccesibles. Desde o grupo municipal do BNG solicitamos que se finalice ben e dunha vez por todas esta actuación e se faga o necesario para que o goberno cumpra co anuncio feito hai seis meses”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
