A ruta terá lugar mañá con saída ás 10:15 horas da praza dos Verxeles
Sábado, 22 de marzo de 2025. Co obxectivo de visibilizar o Camiño Nordés a Santiago de Compostela, a Asociación de Amigos do Camiño de Santiago da Provincia de Lugo organiza un evento para percorrer a primeira etapa. A presentación deste primeiro tramo que vai de Viveiro a Vilalba tivo lugar na Casa do Concello de Viveiro.
A cita para percorrer este tramo de Viveiro a Ourol é mañá, domingo 23 de marzo de 2025, e a saída está prevista ás 10:15 horas da explanada de Verxeles. Cunha distancia de 16 quilómetros, o percorrido rematará diante da Casa do Concello ourolense e transitará pola beira do río Landro cara a Portochao, Galdo, Magazos, Lanndrove (atravesando a Ponte Vella), As Toxeiras ou A Arredoada.
Nesta presentación participaron a alcaldesa de Viveiro, Mariña Gueimunde e o alcalde de Ourol, José Luis Pajón, así como Antón Pereiras, promotor da iniciativa para a recuperación do Camiño Nordés; Ángel Trabada, presidente da Asociación de Amigos do Camiño de Santiago da Provincia de Lugo, e Antonio Riveira, presidente da Asociación Roteiros da Carba de Xermade.
A iniciativa está aberta ao público, e as inscricións poden realizarse a través da Asociación de Amigos do Camiño de Santiago da Provincia de Lugo a través do teléfono 638 295 225.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
