Dende o PP de Burela amosáronse moi preocupados ante os datos de desemprego do municipio e a falta de plans de acción do goberno local para reverter esta situación
Burela, 15 de marzo de 2025. Os concelleiros do PP de Burela amosáronse “moi preocupados” pola “constante improvisación” da que non para de dar mostras a señora López Moreno á hora de gobernar.
Dende o PP de Burela “non podemos máis que preocuparnos pola constante improvisación, o que denota unha ausencia total de proxecto para o municipio”.
Os concelleiros populares poñen como exemplo a información publicada en diferentes medios de comunicación, nos que a alcaldesa “quería dar a coñecer a labor dos servizos de orientación laboral municipais, como se ata agora non se coñeceran, e senón que llo digan aos veciños e veciñas que acoden a eles durante todo o ano”.
No PP de Burela lembran que hai poucas semanas “coñecemos, tamén a través dos medios de comunicación, que Burela lidera a taxa de incremento de paro na Mariña, polo que lle preguntamos cales foron as políticas activas levadas a cabo pola señora López Moreno ata agora”.
Os populares sinalan que a reposta “é sinxela: non existiron”.
Agora, a preocupación é importante entre os concelleiros do PP de Burela porque “tendo en conta o incremento de poboación que experimentará Burela as cifras poden ser peores nas vindeiras semanas”.
Ante un posible incremento da taxa de paro en Burela nos vindeiros meses, agora é cando o goberno municipal se acorda de tentar facer ver que fixeron algo neste sentido.
No PP de Burela sinalan que “o que están a facer dende o goberno local é tratar de copiar fórmulas desenvolvidas por concellos veciños, como o de Xove, esquecendo que estas iniciativas teñen que ir da man de políticas activas de fomento do emprego”, algo para o que é necesario impulsar, dende o Concello de Burela, “propostas como as que defendemos no pleno municipal dende o PP, que falaban, entre outras cousas, de poñer en marcha campañas de fomento da contratación de burelaos nas nosas empresas así como incentivar o autoemprego”.
Ademais, os concelleiros populares ven necesario “buscar fórmulas dende o Concello de Burela para revitalizar o municipio, co asentamento de novas iniciativas para poñer solución a desanxelada imaxe das nosas rúas, nas que non paran de verse locais con carteis de ‘véndese ou alúgase’”.
Os concelleiros populares fan fincapé en que “todas as iniciativas que levamos ao pleno foron rexeitadas por parte do goberno local”.
MÍNIMO INVESTIMENTO POR PARTE DO GOBERNO LOCAL
Dende o PP de Burela tamén ven moi preocupante a publicación realizada no último trimestre do ano pasado, na que se indicaba que o anterior goberno municipal burelao, do que formou parte a actual alcaldesa, foi o décimo en investimentos da Mariña, por detrás de concellos como Barreiros, Ourol ou O Vicedo, e lonxe de outros como Ribadeo, Viveiro ou Foz.
“Tendo en conta que no actual mandato o ritmo de inversións leva o mesmo camiño pódese comprobar o que dende o PP levamos moitos anos denunciando, que o goberno socialista, ben sexa en solitario ou en coalición, non ten capacidade inversora en Burela”, afirmaron.
Para os concelleiros populares “a señora López Moreno tenta agora, cando xa vai medio mandato, buscar solucións tras decatarse de que non lle vai chegar con luces e fogos de artificio para contentar á veciñanza de Burela”.
“Os nosos veciños queren un proxecto real para volver a colocar a Burela no lugar de referencia da Mariña, que nunca debeu de abandonar, por mor dos despropósitos socialistas”, finalizaron.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
