Ribadeo, 11 de marzo de 2025. Ribadeo arranxa as beirarrúas da rúa Alza ata a confluencia coa Río do Amalló, debido ao mal estado que presentan. O alcalde, Dani Vega, asegura que non houbo tarefas de conservación durante un longo período de tempo.
O rexedor dixo que “planificamos unha inversión para mellorar as nosas rúas. Dende logo, parécenos moi importante conservar as nosas rúas e hai que buscar o orzamento necesario para arranxalas, para investir na súa mellora”.
Vega subliñou que “neste caso, comezamos na rúa do cemiterio, a rúa Alza, dado que se fundiu literalmente a beirarrúa e tivemos que actuar de emerxencia. O que estamos detectando é que nas rúas de Ribadeo non houbo unha conservación e agora hai que actuar de forma urxente e rápida, en practicamente todas. Neste momento vamos actuar na rúa do cemiterio, vamos arranxar toda esa beirarrúa e tamén vamos actuar ata chegar á rúa Río do Amalló, ata onde está O Cabazo practicamente, asegurando todas as beirarrúas e tamén limpando toda esa suciedade acumulada durante anos”.
O alcalde ribadense considera que “o que hai que facer durante estes próximos anos é arranxar e investir e mellorar moitas rúas. Pero tamén é moi importante que teñamos presente que hai que conservar todo o que facemos. Agora toca mellorar toda esa zona. Seguramente que na rúa Irmáns Moreno Ulloa temos que actuar tamén facendo algún tipo de decapado e conservando, pero pouquiño a pouco vamos empezando nesa conservación das rúas de Ribadeo que durante toda unha etapa, durante un período, houbo pouca conservación e agora xa hai que actuar de forma urxente en practicamente todas elas”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
