Ribadeo, 2 de abril de 2025. Todo está listo para a celebración de Ribadeo 20/25. O acto do vindeiro xoves, 3 de abril, no auditorio municipal será conducido polo xornalista Fabián Pérez.
O alcalde, Dani Vega, contou que “todo está preparado para celebrar Ribadeo 20/25. Vinte anos de BIC, Ben de Interese Cultural, pobo declarado con ese patrimonio ben conservado e iso fala ben de todos os gobernos de Ribadeo, que intentamos conservar e facelo o mellor posible para que o noso conxunto histórico estea ben conservado e coidado e tamén con actividade”.
O rexedor declarou: “vintecinco anos de destino turístico de calidade. Tamén durante todo este traxecto e toda esta historia de vintecinco anos todos os gobernos traballaron para conseguir que Ribadeo fose ese destino turístico de calidade. Con esa estratexia conxunta entre administracións e tamén o sector privado, que tanto fixo para que Ribadeo teña unha hostalería de calidade, unha restauración e unha serie de actividades que axudan a que Ribadeo sexa ese turismo de calidade, de proximidade e con vida todo o ano. Iso é moi importante destacalo”.
Vega subliñou que “vamos seguir traballando para conservar o noso patrimonio a través do financiamento para que todas as persoas poidan solicitar subvencións e rehabilitar as súas casas no conxunto histórico e tamén darlle vida desde o punto de vista da actividade económica. Creo que entre todos durante estes 25 anos fíxose unha historia conxunta e de pobo”.
Sobre o acto que terá lugar o vindeiro xoves, 3 de abril, a partir das 11 horas no auditorio municipal o alcalde explicou que “durante a mañá do vindeiro xoves todos os alcaldes, concretamente 7 con Ribadeo, van acudir a facer unha reflexión sobre este 25 anos de historia como destinos turísticos: Pobra de Trives, Leiro, Monterrei, Sanxenxo, Baiona, Mondariz-Balneario e Ribadeo. Faremos unha reflexión para todo o conxunto de Galicia para seguir traballando e avanzando nese turismo de calidade. Tamén recordaremos a dous alcaldes que traballaron conxuntamente coas administracións e lideraron eses proxectos tanto o de BIC como o de destino turístico. Estamos a falar de José Carlos Rodríguez Andina e de Balbino Pérez Vacas. E o condutor do acto, e eu creo que hai que estar orgullosos de todos os nosos profesionais dos medios de comunicación, pero si cabe de Fabián Pérez moito máis, xa que é un ribadense que o leva con todo o orgullo e está nun medio nacional e pon a Ribadeo sempre no mapa. Hai que agradecerllo a persoas que o viven, que coidan e que cada vez que o chama o Concello acode, rapidamente a resposta é que si, e iso para o Concello e para min éncheme de orgullo coñecer persoas como Fabián, tan boas e tan bos profesionais”.
Vega engadiu: “un acto practicamente preparado. Convidamos a todos os ribadenses a acudir para recordar e seguir traballando conxuntamente para conservar tanto o patrimonio como un destino turístico de calidade”.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
