O Concello entrega un local ao Burela Surf Club e promove actividades durante a Semana Santa no marco do proxecto “Ondas Limpas”
Burela, 27 de marzo de 2025. O Concello de Burela reafirma o seu compromiso co medio ambiente e o deporte ao facer entrega dun local ao recentemente creado Burela Surf Club. Esta nova entidade deportiva nace coa vontade de achegar o surf á veciñanza e promover valores de convivencia e respecto polo medio mariño.
A adecuación do local foi posible grazas ao financiamento da Deputación de Lugo, nun exemplo de colaboración institucional para dotar de infraestruturas ao tecido deportivo emerxente do municipio.
Coincidindo con este fitos, o proxecto “Ondas Limpas”, promovido polo Concello en colaboración co Burela Surf Club e financiado pola Unión Europea a través do FEMPA, xestionado polo GALP A Mariña – Ortegal, pon en marcha novas actividades de sensibilización ambiental e dinamización do litoral.
Bautizos de surf para todas as idades
Durante a Semana Santa, os días 17 e 18 de abril, celebrarase na praia da Marosa unha actividade gratuíta de iniciación ao surf, dirixida a persoas maiores de 8 anos. Os bautizos de surf estarán guiados polo monitorado do Burela Surf Club, que ensinará tanto os aspectos técnicos básicos do deporte como nocións de seguridade e coidado do medio natural.
O prazo de inscrición abrirase de maneira presencial os días 1, 2 e 3 de abril na oficina GAIA, situada na praza de abastos. Se quedasen prazas vacantes, habilitarase un formulario en liña os días 4, 5 e 6. As prazas son limitadas e priorizarase a veciñanza empadroada en Burela.
Un proxecto que combina deporte e conciencia ambiental
O proxecto “Ondas Limpas” continúa en 2025 coa súa traxectoria de sensibilización e acción ambiental, tras o éxito das xornadas formativas e recollidas comunitarias realizadas en 2024. Ademais das actividades de surf, este ano desenvolverase un mural colectivo con material de refugallo, co obxectivo de destacar a importancia da reciclaxe e do coidado do litoral.
“A posta en valor da nosa costa, a través de actividades educativas, deportivas e respectuosas co entorno, é unha aposta estratéxica para o futuro de Burela. Hoxe damos un paso máis cun local para o noso club de surf e cunha proposta que une deporte e conciencia ambiental”, destacou a alcaldesa, Carmela López.
Desde o Burela Surf Club quixeron manifestar o seu agradecemento ao Concello de Burela pola cesión do local e por tramitar a subvención do GALP para dotar a Burela deste tipo de actividades. “Para nós é unha oportunidade que sen eles non sería posible. Tamén queremos darnos a noraboa como club, xa que foron meses de moito traballo que mereceron completamente a pena”.
“Só nos queda continuar pasiño a pasiño con este proxecto tan significativo para nós, do que esperamos que moita xente do pobo lle saque proveito. Ao final, o noso obxectivo principal sempre foi o de incentivar a importancia da cultura do mar nun pobo como Burela e que mellor forma de facelo que cun deporte tan fermoso como é o surf”, engadiron.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
