Javier Castiñeira esixe ao alcalde e ao seu equipo máis organización nas contas e o cumprimento estrito da legalidade, tal e como tamén solicita o propio interventor municipal
Foz, 22 de abril de 2025. O Partido Popular de Foz denuncia que existen máis de 811.000 euros en facturas sen pagar do ano 2024, segundo consta nun informe desfavorable que recolle múltiples reparos á xestión económica do goberno socialista.
Baseándose nese informe de intervención, desde o PP de Foz alertan de que máis de 700 facturas presentan defectos na contratación, destacando o abuso de contratos verbais, a falta de procedemento administrativo e o fraccionamento de contratos para evitar a convocatoria de procesos abertos con concorrencia.
“Estamos ante un auténtico despropósito na xestión administrativa” asegura o voceiro do grupo municipal popular, Javier Castiñeira, lembrando que esta situación xa foi denunciada con anterioridade polo PP. “As consecuencias máis directas están a sufrilas as propias empresas contratadas, que levan meses, e incluso máis dun ano, sen cobrar polos seus servizos”, continúa Castiñeira.
O problema agrávase ao comprobar que estes 811.000 euros van ser cargados aos orzamentos prorrogados, xa que o goberno socialista de Foz aínda non presentou un novo orzamento para este ano 2025, provocando un desequilibrio nas contas municipais. Por exemplo, a partida de festas ou de propaganda e comunicación do 2025 vanse a consumir coas facturas das festas do 2024 polo que as empresas que se contraten este ano dificilmente cobrarán ata o que ven.
Javier Castiñeira esixe ao alcalde e ao seu equipo máis organización nas contas e o cumprimento estrito da legalidade, tal e como tamén solicita o propio interventor municipal. “É hora de que asuman a súa responsabilidade e deixen de culpar ao persoal técnico, como fixeron na última Xunta de Voceiros”, afirma o voceiro popular.
“En definitiva, estamos ante unha mostra máis da desidia e mala xestión do goberno socialista de Foz, que está a prexudicar gravemente tanto ás arcas municipais como ás empresas que prestan servizos ao Concellos”, conclúe Javier Castiñeira.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
