Viveiro, 16 de abril de 2025. Ante as informacións aparecidas nos medios de comunicación relacionadas coa que foi concelleira de Igualdade do Concello de Viveiro, Lara Fernández, desde o PSdeG-PSOE de Viveiro queremos facer as seguintes consideracións:
Respecto polos feitos e responsabilidade asumida
Produciuse un altercado no ámbito privado dunha parella, que adquiriu unha repercusión pública debido a que unha das persoas implicadas, Lara Fernández, ocupaba un cargo institucional. Ela mesma, de maneira responsable, decidiu presentar a súa dimisión e renunciar á súa acta de concelleira, que farase efectiva o vindeiro luns 21 de abril, asumindo así as consecuencias públicas derivadas deste feito.
Defensa da intimidade e rexeitamento do linchamento social e mediático
Desde esta agrupación queremos condenar con firmeza o linchamento social e mediático que está a sufrir Lara Fernández. Trátase dun feito acontecido no ámbito estritamente persoal, que en ningún caso debe ser utilizado con fins sensacionalistas nin politizado por intereses alleos. As persoas teñen dereito á súa intimidade e á súa protección, especialmente cando xa tomaron decisións que evidencian un exercicio de responsabilidade. Ademais, aclarar que o partido en ningún momento exerceu presión algunha sobre medios de comunicación para evitar a publicación da noticia.
Recoñecemento ao traballo realizado
Queremos agradecerlle profundamente a Lara Fernández o seu traballo desinteresado e altruísta, tanto no seo do PSdeG-PSOE como no Concello de Viveiro, onde puxo en marcha políticas vinculadas á cultura, á igualdade, ao benestar social e á defensa dos dereitos das mulleres. Fíxoo sempre sen recibir remuneración económica, movida unicamente polo seu compromiso co servizo público.
Compromiso coas vítimas e condena da violencia
O Partido Socialista de Viveiro reitera, como sempre, a súa condena firme e rotunda de calquera forma de violencia. A nosa postura nesta materia é clara, sen matices nin excepcións. Cremos, ademais, que é preciso actuar con rigor, respecto e responsabilidade cando estes feitos afectan á vida privada das persoas.
Desde o PSdeG-PSOE de Viveiro “pedimos respecto pola intimidade de Lara Fernández e que se deixe de instrumentalizar políticamente un feito persoal que xa tivo consecuencias públicas”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
