A secretaria de Organización do PSdeG visitou o municipio lucense con motivo dunha xornada de transferencia de boas prácticas con alcaldes e alcaldesas asturianos e destacou proxectos como a recuperación da piscifactoría, a posta en marcha da explotación de porco celta, o impulso do polígono agroecolóxico ou a futura posta en servizo da antiga gasolineira
Ribeira de Piquín, 19 de abril de 2025. A secretaria de Organización do PSdeG e deputada autonómica, Lara Méndez, cualificou de “exemplo para os pequenos concellos” as medidas que está a despregar o alcalde socialista de Ribeira de Piquín, Roberto Fernández Rico, co fin de fixar poboación. Méndez visitou o municipio lucense con motivo dunha xornada de transferencia de boas prácticas á que asistiron rexedoras e rexedores de Asturias para coñecer as iniciativas que se están a desenvolver alí e “buscar sinerxías”.
Xunto a eles coñeceu a piscifactoría que se puxo de novo en funcionamento no lugar de Santalla a través da Fundación Municipal Terreo, coa colaboración económica da Deputación luguesa, e na que na actualidade se crían troitas. Durante o percorrido achegouse ao polígono agroecolóxico de Montefurado, que se centra no cultivo de kiwis, e á explotación de porco celta xestionada a través do Grupo Operativo Forescelta. Tamén tivo oportunidade de comprobar os pasos que o Concello está dando para recuperar a actividade da antiga gasolineira, e compartiu uns intres con membros da ONG Rescate e as persoas refuxiadas que participaron durante os pasados meses no seu programa de atención humanitaria.
Son proxectos impulsados polo Concello “para facer prosperar o territorio e brindar oportunidades económicas á xente, aínda que moitas veces se poñan en marcha asumindo competencias impropias e “con moitas dificultades máis aló das económicas”, dixo en referencia aos atrancos “administrativos e burocráticos” que en non poucas ocasións teñen que superar as administracións locais. “A Xunta, que tería que estar potenciando iniciativas ou dando facilidades, non o fai”, censurou. De feito, apuntou que a lexislación “contempla instrumentos que poderían facilitar o asentamento de proxectos no rural, pero non se desenvolven”.
“Desde aquí, quero instar ao Goberno galego a que asuma as súas competencias, promova iniciativas deste tipo en pequenos concellos e que, cando un alcalde dá un paso adiante para pór a andar ideas que xeran emprego e riqueza, cando menos facilite ese labor”, reclamou.
Fernández Rico coincidiu nas “dificultades” que atopan os concellos máis pequenos para a súa dinamización, mais insistiu na necesidade de que a Administración pública “interveña nas actividades económicas nos lugares menos habitados”, co obxectivo de crear postos de traballo, prestar servizos básicos e así contribuír a fixar poboación.
O alcalde salientou que no caso de Ribeira de Piquín “non se trata dunha aposta teórica, senón práctica”, dado que a Administración municipal xa ten despregados os anteditos proxectos “sen quitarnos as ganas de seguir facéndonos cargo de instalacións que estaban abandonadas ou en desuso”.
Xunto a Lara Méndez e Roberto Fernández Rico, visitaron os diferentes proxectos os alcaldes e alcaldesas de Castropol, Vegadeo, San Tirso de Abres, Santa Eulalia de Oscos, Villanueva de Oscos, San Martín de Oscos, Illano, Pesoz e Grandas de Salime, a maior parte deles integrados na reserva da biosfera do Río Eo, Oscos e Terras de Burón, da que tamén forma parte o municipio galego. A viaxe programouse como “unha experiencia de intercambio de coñecemento” entre concellos con características similares, “que sofren o despoboamento e buscan medios para poñer en valor o rural e fomentar a recuperación do emprego”, explicou Fernández Rico.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
