A alcaldesa, Dolores García Caramés, leva desde primeira hora nas instalacións da fábrica acompañando ao persoal, e mantendo encontros coa xerencia da empresa, “confiando en que se chegue a un entendemento que garanta a continuidade dunha factoría crucial para o municipio e que é un símbolo cultural de Galicia”
Cervo, 3 de abril do 2025. O Concello de Cervo acompaña nestes momentos tan difíciles aos traballadores da fábrica de Cerámica de Sargadelos logo da decisión do administrador único de pechar as instalacións, a raíz das discrepancias cun informe da Inspección de Traballo que contempla emendar unhas deficiencias que desde a xerencia ven desmedidas a tenor das particularidades do edificio e da contorna.
A alcaldesa, Dolores García Caramés, desprazouse desde primeira hora desta mañá ata a Fábrica, para estar ao carón dos traballadores nestes intres tan desconcertantes e amosarlles o seu apoio coa confianza de que as partes implicadas esgoten todas as vías de diálogo e exploren todas as alternativas posibles para que a fábrica siga producindo e os empregados poidan volver aos seus postos de traballo con todas as garantías de seguridade “tal e como aseguran que desenvolvían xa o seu traballo ata día de hoxe”.
A rexedora amosouse preocupada ante o xiro que deron os acontecementos e ante a decisión drástica tomada polo administrador co que mantivo un encontro no que puido constatar a súa vontade de seguir adiante cunha fábrica na que asegura que investiu moitos cartos e moito tempo polo que nestes momentos –engadiu- “temos que mandar unha mensaxe de confianza de que esas conversas que nos consta que se están mantendo no día de hoxe dean o seu froito para salvagardar unha empresa da que dependen moitas familias, que xera moitos postos de traballo en Cervo e en toda a bisbarra, e que ademais é todo un símbolo patrimonial de Galicia”.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
