Música, actuacións infantís, a III Gran Festa das Xeracións, ou unha Festa Country son algunhas das propostas previstas para estas datas
Cervo, 12 abril de 2025. O concello de Cervo programa para esta Semana Santa actividades para todos os gustos e para todas as franxas de idade.
Este mesmo sábado, a programación arrinca coa IX Foliada Nordestía organizada por A Rebolaxe, coa colaboración do Concello de Cervo. Con cantos de taberna desde o mediodía, un xantar popular, diferentes actividades durante todo o día, e concertos á noitiña de Xisco Feijóo, Tumba e Dálle e A Requinta da Laxeira.
Xa mañá domingo terá lugar a II Ruta Cabalar organizada pola asociación Cabaleiros da Bidueira, coa colaboración do Concello de Cervo. A saída está prevista para as 10:00 horas do pavillón de San Román; haberá aperitivo para os participantes á metade da ruta que será duns 15 quilómetros aproximadamente, e sesión vermú e baile no polideportivo da man de Dismo Móbil Conxuro; e xantar a base de paella, costela asada, sobremesa, bebida e chupito.
Ademais, tal e como vén sendo habitual durante as vacacións escolareso Concello de Cervo volve poñer en marcha unha nova edición do programa Cervo Concilia para colaborar coas familias nestas datas de descanso lectivo das crianzas. Será os días 14, 15, 16 e 21 de abril, en horario de 8:30 a 14:30 horas, na Casa do Mar e hai inscritos/as máis de 30 nenos/as.
Trátase dun programa que é xa un referente dentro da programación das vacacións escolares como “ferramenta para botarlle unha man ás nais e pais nesas épocas, ao tempo que os/as nenos/as tamén aprenden e desfrutan compartindo a experiencia con outros compañeiros”.
Eses mesmos días tamén haberá a actividade “Ra Ramira en Semana Santa”, en horario de 16:30 a 17:30 horas. O 14 dirixido ás crianzas de 3 a 5 anos, o 15 ás de 6 a 9 anos, o 16 ás de 10 a 12 anos; e o 21 para as crianzas de entre 6 e 12 anos. As persoas interesadas poden anotarse na Casa da Cultura en horario de mañá.
Tamén o 14, 15 e 16 programaranse diferentes actividades infantís na Praza dos Campos, e horario de mañá e tarde.
E o día 14 tamén haberá ás 19:00 horas unha actuación infantil baixo o título Fazulas e o ladrón de paraugas; será na Praza dos Souto, e está organizado por Airiños do Xunco e o Concello de Cervo; que tamén coorganizan para o martes 15 o espectáculo de Paco Nogueiras “Brinca Vai!, ás 19:30 horas, na Praza do Souto tamén; que será o escenario o domingo 20, da actuación dos Cantaberneiros, a partir das 19:00 horas. Nunha xornada na que a asociación de veciños do Burgo de Trasbar coa colaboración do Concello organiza a súa tradicional Pascua de Trasbar no seu local social.
Unha novidade da programación será a Festa Country que celebrará o alumnado de II Bach do IES Marqués de Sargadelos, o mércores 16, a partir das 20:30 horas, na Praza dos Campos.
E outra cita tradicional xa da Semana Santa será a Gran Festa das Xeracións que organiza por terceiro ano consecutivo o club de trail a Fume de Carozo coa colaboración do Concello de Cervo na Praza dos Campos.
As persoas interesadas poden mercar os seus tíckets por un custe de 35 euros para os non socios, e de 30 euros para os socios “como un incentivo e en agradecemento ás persoas que forman parte do club e que nos axudan tamén a ir medrando ano a ano” nos establecementos As Titas, O Noso Lar, O Faro, A Penúltima, Bodega de Ana, todos eles en San Cipirán; e Antoxo-Cafetería (Xove) e Vista Alegre (Burela).
Na Festa, que xa se está a converter nun clásico da Semana Santa, haberá sorpresas, sorteos e moita música da man de DJ Pablo Conxuro.
Ademais, o Concello de Cervo tamén pon a disposición das persoas que o desexen, bicis eléctricas en aluguer, os días 17 e 18 en horario de 11:00 a 14:00 horas, e de 17:00 a 20:00 horas, na Praza Nardo Martínez; e 19 e 20 na Praza do Souto.
Desde o Concello de Cervo convidan a veciños e visitantes a desfrutar desta Semana Santa no municipio, na que a diversión e os bos momentos compartidos están garantidos.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
