Pontón defende a sanidade pública como “conquista social” e anima á mobilización cidadá fronte ás políticas “ideolóxicas” do goberno popular
Santiago de Compostela, 6 de abril de 2025. A portavoz nacional do Bloque Nacionalista Galego, Ana Pontón, denunciou esta mañá na manifestación convocada pola plataforma SOS Sanidade Pública en Compostela, que as políticas privatizadoras do PP son “un perigo para a saúde dos galegos e das galegas” e como o goberno galego prioriza a privatización fronte á calidade do servizo público.
Entre os problemas destacados que está a padecer o sistema sanitario galego, sinalou que actualmente hai 11.000 nenos e nenas sen pediatra, listas de espera de até 15 días para consultas de atención primaria e un aumento das mobilizacións cidadás en todo o país. “Se a sanidade está mellor que nunca, como é posible esta situación?”, cuestionou. Pontón atribúe esta crise á “incompetencia e ideoloxía” do PP, que busca “deteriorar o público para beneficiar a sanidade privada”.
A líder do BNG reivindicou a sanidade pública como unha “conquista social” e chamou a “defender o dereito á saúde para todas as persoas, independentemente da súa conta bancaria”. Exixiu ao PP que “recoñeza a realidade” e poña en marcha solucións, como a contratación de máis persoal, a mellora da atención primaria e o reforzo da saúde mental.
Pontón fixo un chamamento á mobilización. “Desde o BNG acompañamos a cidadanía que di SI á sanidade pública fronte ao PP do NON á saúde”. Para o BNG esta mobilización e o reflexo do “enorme malestar social” contra as políticas do goberno popular en Galiza.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
