Ribadeo, 22 de abril de 2025. Ribadeo licitará nos vindeiros días as obras de mellora en dous pavillóns deportivos: o de Cubelas e o que está situado na rúa Alfredo Deaño. O investimento ascende a máis de 283.000 euros.
O alcalde, Dani Vega, explicou que “nos próximos días sacaremos a licitación as obras de mellora na cuberta e no acondicionamento interior do pavillón municipal da rúa Alfredo Deaño. Un edificio que levaba anos e anos abandonado e que temos que actuar en toda a estrutura, en todo o inmoble, tanto na cuberta como nos laterais. Temos que demoler falsos teitos, levantar carpinterías que están totalmente danadas, porque estivo chovendo constante e continuamente nelas, tamén o levantado dos alicatados, a execución de soleiras de formigón, retirada da actual carpintería acristalada que está rota, a colocación de placas que axuden a toda a estrutura, a colocación de novas estruturas metálicas, novos tabiques, novos locais, é dicir modernizar os locais que están totalmente destruídos ou abandonados literalmente, substitución de portas de emerxencia, que evidentemente levan anos cerradas con caravillóns, e iso xa é practicamente difícil saír porque con caravillóns as portas de emerxencia non funcionan”.
O rexedor subliñou: “estamos a falar dunha inversión de 183.939,74 euros que sacaremos a licitación nos próximos días e tamén vamos sacar a licitación a mellora de todo o pavillón deportivo de Cubelas. Aquí o que vamos facer é actuar en toda a substitución dos cerramentos de lonas que hai nos laterais, vamos construír eses cerramentos con bloques, ousexa uns cerramentos seguros, a instalación de portalóns para poder realizar distintas actividades no pavillón de Cubelas. Queremos que sexa un multiusos, un pavillón multidisciplinar para a práctica de deporte, pero tamén que os veciños poidan realizar as súas festas nun edificio de todos. A reparación do cerramento, tanto da chapa da cuberta como dos laterais, e a rehabilitación do pavimento deportivo, é dicir do chán, vamos pintalo, vamos adecentalo. Todo isto supón unha inversión de preto de 100.000 euros”.
Para Vega: “son dúas obras importantes. Dúas obras que todos levábamos reclamando moitísimo tempo para arranxalas. Nosoutros o que fixemos foi chegar ao goberno, o primeiro que hai que facer é buscar o orzamento, o segundo redactar os proxectos e agora licitar. Polo tanto, aquilo que diciamos na oposición que debíamos facer, que había que arranxar as instalacións deportivas ímolo facer. É moi importante, por certo, investir, buscar o orzamento para arranxar, pero tamén é moi importante conservar no tempo para que non haxa que facer actuacións tan importantes como a que hai que facer agora, cunha cantidade orzamentaria que se fóramos facendo un mantemento durante todo un tempo, pois agora non tiñamos nos a obriga de investir esta cantidade”.
O alcalde engadiu: “investimos para solucionar un problema, para ter unhas boas instalacións deportivas, pero o que tamén dicimos é que durante todo este tempo que nosoutros esteamos no goberno, vamos coidar, vamos conservar as instalacións deportivas, que son de todos”.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
