Os burelistas comezaron mal, víronse dous goles por debaixo aos catro minutos, pero conseguiron remontar o marcador no segundo tempo
Burela, 26 de abril, 2025. Un tanto a 4 segundos da conclusión de Nando Torres evitou que o Burela FS levase o triunfo ante o Wanapix Sala 10 Zaragoza (3-3) despois de completar unha gran remontada no segundo tempo. Cos resultados desta vixésimo sétima xornada na Primeira División masculina, os mariñaos quedan 2 puntos por encima da penúltima praza, que ocupa agora o Noia Portus Apostoli.
Os zaragozanos demostraron na posta de longo do encontro que non se van a deixar a ir a pesar de estar xa descendidos matematicamente. Saíron máis enchufados que os burelistas e lograron dous tantos no primeiros catro minutos de xogo. Nos primeiros segundos, Adrián Rivera batía a Kaluza cun disparo cruzado e no minuto 4 era Brasesco o que se plantaba ante Kaluza e definía con moita calidade.
O cadro local non estaba no partido e David Rial respondía cun tempo morto para tentar cortar a sangría. Tardaron en recompoñerse os laranxas, que tiveron a súa primeira ocasión nos pés de Isma. O fonsagradino remataba fóra practicamente a porta baleira, logo dunha saída na que Dani Álvarez medira mal.
A seguinte dos locais chegaba no minuto 11, cando entre Dani Álvarez e Adrián Rivera repelían unha falta directa sacada por Juninho. Posteriormente era Pitero o que remataba de cabeza ao pau tras un balón en longo de Kaluza e a tres minutos do descanso volvía meter unha man o meta zaragozano nunha boa acción individual de Juninho. As últimas ocasións antes do intervalo teríaas Rikelme, que primeiro completaba unha gran acción persoal pola á dereita e o seu disparo sacábao con moitos apuros Dani Álvarez. Despois volvía intervir o meta nun trallazo desde a distancia do brasileiro.
A segunda parte non tivo ocasións de mérito ata o minuto 27, momento no que Dani Álvarez metía ben as mans nun disparo desde o costado esquerdo de Isma. Na seguinte acción chegaba o primeiro para os locais. Isma realizaba un envío longo e Pitero remataba con mestría á media volta de primeiras para bater a Dani Álvarez cun tiro cruzado.
O primeiro tanto espoleou aos laranxas, que logo tiñan unha dobre ocasión en senllos disparos desde a distancia de Quelle. Despois era Alberto o que remataba rozando o pau nunha xogada de estratexia e o Burela continuaba incrementando a súa presión sobre o marco aragonés.
Os laranxas obtiñan o premio ao seu esforzo e traballo con Bernardo Araya xogando como porteiro-xogador. O chileno entraba coa camiseta negra a 4:25 da conclusión e na primeira acción chegaba o empate nun pase do propio Araya que remataba á súa propia portería o zaragozano Carlos García. A pouco máis de dous minutos do bocinazo final tíñaa Rikelme, pero non era capaz de rematar a gol só no segundo pau.
O Burela FS completaba a remontada nunha gran acción de cinco que finalizaba Charly tras un gran pase de Rikelme. Ao 3-2 respondía Jorge Palos sacando a Raúl López como porteiro-xogador nos últimos 2:22 minutos. Kaluza evitaba o empate cun espectacular pé no último minuto e finalmente era Nando Torres o que igualaba, só no segundo pau, nunha boa acción de cinco dos maños. Restaban pouco máis de catro minutos para o final e xa non habería tempo para nada máis.
Ficha Técnica Burela FS 3-3 Wanapix Sala 10 Zaragoza
Burela FS (3): Kaluza; Isma, Alberto, Charly, Rikelme -quinteto inicial-, Araya, Pitero, Juninho, Marc Campàs e Quelle.
Wanapix Sala 10 Zaragoza (3): Dani Álvarez; Richi Felipe, Tomás Pescio, Brasesco, Adrián Rivera -quinteto inicial-, Nando Torres, Nacho Gómez, Raúl López, Adri Ortego, Óscar Villanueva, Carlos García e Alberto Inés.
Goles: 0-1, min. 1: Adrián Rivera. 0-2, min. 4: Brasesco. 1-2, min. 28: Pitero. 2-2, min. 36: Carlos García. 3-2, min. 38: Charly. 3-3, min. 40: Nando Torres.
Árbitros: Cristian Cubero (Madrid) e Sergio Salomé (Extremadura). Amoestaron aos locais Araya, Rikelme e Alberto, así como aos visitantes Óscar Villanueva, Brasesco, Alberto Inés, Richi Felipe, Adrián Rivera e Carlos García.
Incidencias: Encontro da vixésimo sétima xornada da Primeira División masculina disputado no pavillón de Vista Alegre diante duns 800 espectadores.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
