A Mariña, 7 de maio de 2025. O salón de actos do Concello de Lourenzá acolle no día de hoxe unha xornada de formación que, baixo o título Novos retos e oportunidades no marketing dixital, ten como obxectivo avanzar na formación e actualización dos coñecementos no eido dixital dos profesionais do sector turístico da zona. Máis dunha vintena de profesionais de oficinas de turismo, establecementos hostaleiros, guías e xestores de servizos turísticos participan nesta xornada, que forma parte das accións trazadas no marco do Plan de Sostibilidade Turística da Mariña 2022-2024, impulsado desde a Mancomunidade.
A benvida institucional correu a cargo do alcalde en funcións de Lourenzá, Javier Huertas; a xefa da Área Provincial de Turismo en Lugo, Paloma Vázquez; e a vicepresidenta da Mancomunidade de Concellos da Mariña, Ana Ermida. Na súa intervención, Ana Ermida agradeceu aos asistentes a súa presenza, que pon de manifesto o interese e vontade por parte do sector turístico da Mariña “para medrar e seguir mellorando, para estar actualizados e para ser máis competitivos no marco dun mundo que innova cada vez a maior velocidade”. E salientou que este encontro é unha grande oportunidade para preparar ao tecido turístico cara un sector máis profesionalizado e disposto para asumir con éxito os novos retos de futuro.
Recursos para un turismo sostible
A formación pretende servir de apoio aos profesionais turísticos, favorecendo así a súa formación e tratando de aproveitar todas as posibilidades que ofrece o mundo dixital cun obxectivo claro: favorecer o desenvolvemento da Mariña como destino de turismo sostible, innovador e competitivo.
A xornada é impartida por un profesional con experiencia na formación, especializado en marketing e estratexias dixitais, que aproximará aos asistentes ao mundo dixital a través dun temario global que incluirá unha serie de temas clave. O obxectivo é coñecer ferramentas e recursos, aprendendo o modo de adaptalas e aproveitalas para cada negocio en concreto, en función dos seus recursos e obxectivos. Coñecer as claves do marketing dixital é fundamental para axudar a entidades e empresas pequenas e medianas do sector turístico a mellorar a súa visibilidade online, atraer máis clientes e fidelizar aos visitantes mediante ferramentas dixitais accesibles e prácticas.
Esta xornada de formación, que se desenvolve durante o día de hoxe en Lourenzá, está promovida pola Mancomunidade de Concellos de A Mariña Lucense no contexto do Plan de Sostibilidade Turística na Mariña Lucense 2022-2024, cofinanciado pola propia Mancomunidade, a Axencia Turismo de Galicia e a Secretaría de Estado de Turismo.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
