A Mariña, 25 de febreiro, 2026. O senador socialista César Mogo afirmou que “o PP de Lugo pasa da mentira á fantasía” ao referirse ás declaracións realizadas polo deputado José Manuel Balseiro sobre a A-74. Segundo Mogo, o Partido Popular “segue instalado na manipulación como forma de facer política”, especialmente no relativo ás infraestruturas pendentes na Mariña.
O senador sinalou que non é novidade que o PP “manipule respostas do Goberno ou falsee o balance da súa etapa”, pero considera que agora “chegan á fantasía” ao asegurar que, con Mariano Rajoy na presidencia, a autovía estaría rematada, cando —lembrou— “en sete anos non executaron nin un só centímetro nin había previsión real de facelo”.
Mogo criticou tamén que o PP “presuma” da variante de Viveiro, que cualificou de “insuficiente”, e lembrou que o propio Balseiro pedía que as obras dos 37 km entre Barreiros e Xove estivesen iniciadas en 2025, mentres que agora sitúan o inicio de 6 km desa variante como pronto para 2028.
O senador advertiu de que esta actitude “non é comunicar coa cidadanía, senón enganala”. Reiterou que o PSOE defende que a A-74 é unha infraestrutura urxente que o Goberno debe impulsar canto antes, e que a VAC Costa Norte é igualmente prioritaria para completar as comunicacións da Mariña, unha responsabilidade que —subliñou— corresponde á Xunta.
Mogo lembrou que os dous tramos da VAC foron licitados durante o Goberno de Pérez Touriño e que, durante o mandato de Rajoy, “non se executou ningunha obra de relevancia na provincia de Lugo”. Por iso pediu ao PP “menos manipulación e máis traballo”, ao considerar que “abusar da maioría absoluta no Senado para distorsionar a realidade está feo, e entrar na fantasía é algo que deberían revisar”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
