Ribadeo, 10 de maio de 2025. Acisa entregou os premios da campaña do dia da nai. As afortunadas, tres mulleres, son veciñas de Ribadeo.
A presidenta de Acisa, Carmen Cruzado, contou que “Charo López, Rosario Fernández e Lucía Pérez, foron as gañadoras dos premios da campaña do dia do nai de Acisa Ribadeo, aos que lles fixemos entrega dos seus agasallos nas últimas horas. Desde a asociación queremos felicitalas e darlles as grazas por mercar no comercio local”.
O xerente de Acisa, Jesús Pérez, indicou que “Lucia Pérez resultou agraciada cunha experiencia de desconexión dunha noite con almorzo e cea romántica para dúas persoas a escoller entre máis de 1.500 destinos; Rosario Fernández foi a gañadora dunha cea para dúas persoas no restaurante a Horta de San Roque valorada en 120 euros; e Charo López gozará dunha visita guiada a Bodegas Docampo, en Ribadavia, con estancia dunha noite para dúas persoas no seu Hotel Pazo Carballo. As persoas afortunadas fixeron as súas compras e depositaron as súas papeletas en Imagen365, Boutique Valentina e La Moda Sport”. As agraciadas poden gozar dos premios segundo as condicións marcadas polas firmas doadoras.
Cruzado Iglesias subliñou: “temos que agradecer o apoio ao comercio local tanto das nosas veciñas e veciños, como dos de toda a contorna, tanto de Asturias como de Galicia. E animámolos a seguir apostando polos nosos negocios durante todo o ano, porque ademais de mercar poden levar algún importante premio. Do mesmo xeito temos que darlles ás grazas ás empresas que doaron os premios para a pasada campaña do día do pai, que foron o restaurante A Horta de San Roque de Ribadeo, e Bodegas Docampo, de Ribadavia”.
Os premios foron entregados nas oficinas de Acisa, tras a celebración do sorteo entre as preto das 9.000 rifas recollidas que foron cubertas pola clientela do comercio asociado que fixo as súas compras dende o 25 de abril o 4 de maio nos negocios asociados.
Na entrega de premios participaron a presidenta e o xerente do colectivo empresarial ribadense, Carmen Cruzado e Jesús Pérez.
Esta actividade de Acisa Ribadeo estivo cofinanciada pola Xunta de Galicia.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
