Foz, 10 de maio de 2025. O Concello de Foz anuncia que este vindeiro luns, día 12, haberá interrupcións de tráfico en Cordido, na LU-P-6303, e no núcleo urbano na rúa de Cervantes e na Avenida de Viveiro, por obras de mellora de firme.
“Pedimos desculpas aos veciños: as obras son incómodas e a pasada semana houbo cortes en distintas rúas do pobo. Renovamos por completo o firme das rúas Mijail Gorbachov e Corporacións Municipais grazas á Deputación de Lugo. Con cargo ao Plan Deputación aglomeramos en quente o camiño do Muíño en Vilaxoane e a intersección de Illa Nova con rúa de Sarria, obras contratadas polo Concello, así como a reposición de bolardos na Avenida da Mariña; a vindeira semana retomaranse os traballos de pintado. Tamén se fresou e aglomerou no entorno do porto de Foz, despois das obras de execución da canalización de impulsión da nova EDAR”, explica o alcalde, que engade: “a estrada LU-P-6303 entre Moucide e Cordido, na que xa se limparon as marxes, vaise cortar por completo durante a extensión da nova capa de firme. Desde o Concello informamos ao CEIP Fondo Nois, para evitar problemas co transporte escolar”.
Fran Cajoto anuncia tamén que “en función da evolución dos traballos, a vindeira semana prevese limpar as marxes na subida ao Bispo Santo e na estrada á Basílica de San Martiño, na que xa se arranxou unha bionda e se dispuxo unha nova barreira nunha curva perigosa. Outros traballos que poderán iniciarse na vindeira semana é a mellora de firme na zona da Rapadoira, entre Mariñeiro Chila e Rego de Foz, e entre a Fonte de Marzán e o Cristo. O luns comezarán tamén os traballos de reposición de firme na rúa de Cervantes e Avenida de Viveiro, que se levarán a cabo con tráfico alternativo por un dos carrís. Rogamos a todas e todos que extremen a precaución na zona de obras e que atendan ás indicacións. Quero dar as grazas a todas e todos pola súa colaboración”.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
