A subdelegada inaugurou a sesión impartida pola delegada da Axencia Tributaria en Lugo, Elena Rosendo
Lugo, 19 de maio de 2025. A subdelegada do Goberno en Lugo, Isabel Rodríguez, sinalou hoxe o compromiso do Goberno de España coa independencia económica das mulleres e a loita contra todo tipo de violencias machistas, con motivo dunha charla organizada na Subdelegación sobre a prevención da violencia económica.
Isabel Rodríguez interveu xunto á delegada da Axencia Tributaria en Lugo, Elena Rosendo, quen abordou os riscos do control financeiro para as mulleres e analizou os seus efectos no ámbito fiscal.
“Dentro das múltiples manifestacións da violencia de xénero, a violencia económica é en moitas ocasións invisible e, por tanto, pouco investigada”, explicou a subdelegada, incidindo en que “privar á muller dos recursos necesarios para o seu benestar físico ou psicolóxico é violencia”.
No transcurso da ponencia, expuxéronse os riscos predominantes para as mulleres vítimas, agrupados en tres categorías: IRPF, fase recadadora e procesos de identificación electrónica.
A sesión formou parte das actividades organizadas pola Subdelegación do Goberno en Lugo con motivo da Semana da Administración Aberta, que contará tamén con dúas xornadas de portas abertas que terán lugar o martes e o venres.
A subdelegada incidiu no obxectivo do Goberno de reforzar a administración con ferramentas que axuden á prevención e permitan atender as necesidades das mulleres vítimas de todo tipo de violencias para avanzar con firmeza ata alcanzar a igualdade real e efectiva entre mulleres e homes.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
