17 de maio, Día das Letras Galegas, a partir das 20h, Cunqueiro voltará a estar presente, coas súas obras, na Casa Museo, da man de Jesús Blázquez, director de Ediciones 98
Mondoñedo, 6 de maio, 2025. Mondoñedo acollerá, dentro do Día das Letras Galegas, un acto de achegamento a Álvaro Cunqueiro da man de Ediciones 98 (www.ediciones98.com) que achegará a súa serie de libros en Castelán, cos títulos: Merlín y familia, Gente de aquí y acullá, Las crónicas del sochantre, Escuela de curanderos y fábula de varia gente, Los otros feriantes e o inédito que veu a luz no pasado ano, La taberna de Galiana. (Biblioteca: «Álvaro Cunqueiro» – Ediciones 98)
O acto, de entrada libre, terá lugar na Casa Museo de Álvaro Cunqueiro e nel, acompañarán a Jesús Blázquez, director da editorial que levará o peso da intervención, D. Manuel Otero, Alcalde de Mondoñedo e Dna. Aurora Moirón, curmán de Cunqueiro e quen conviviu con el nuns momentos tan senlleiros como foron os anos en que escribe o Merlín e Familia, no mesmo lugar que hoxe ocupa a Casa Museo.
Este achegamento ao Cunqueiro editado en castelán, no que se falará da obra, pero tamén da persoa da man da súa curmán, verase complementado pola presentación dun novo espazo virtual na web de Ediciones 98, sobre o mundo de cunqueiro, a Ruta Literaria Virtual Álvaro Cunqueiro en Mondoñedo con Ediciones 98 (www.ediciones98.com/ruta-cunqueiro-mondonedo), que ofrece un mapa interactivo, con imaxes, vídeos de algo máis de dous minutos e breves textos explicativos de Jesús Blázquez, no que se amosan os espazos Cunqueirianos de Mondoñedo recollidos nas obras publicadas nesta editorial.
Dende o Concello de Mondoñedo, a Casa Museo e Ediciones 98, queren convidar a todas e todos os afeccionados a este mindoniense universal a achegarse á Casa Museo o vindeiro sábado 17 de maio, día das Nosas Letras, para celebrar, unha vez máis, a Cunqueiro.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
