Navia, 21 de maio de 2025. O Concello de Navia informa á cidadanía da apertura do prazo para solicitar as Axudas Económicas de Emerxencia Social correspondentes ao 2025, unha convocatoria destinada a apoiar ás persoas e familias do concello que se atopen en situación de especial vulnerabilidade.
Estas axudas, publicadas no BOPA n.º 94 do 19 de maio de 2025, articúlanse en varias modalidades::
Axudas de emerxencia social para familias con menores
Axudas de emerxencia social de garantía enerxética
Axudas de emerxencia social para gastos ordinarios e extraordinarios
Axudas de emerxencia social para a vivenda
Poderán ser beneficiarias aquelas persoas que presenten dificultades económicas para facer fronte a gastos de primeira necesidade, subministracións básicas, mantemento ou acceso a unha vivenda digna, ou necesidades derivadas de menores a cargo.
A información detallada e a presentación de solicitudes realizarase a través dos Servizos Sociais do Concello de Navia, mediante cita previa no teléfono 985 473 300.
Prazo de presentación de solicitudes: ata o 30 de novembro de 2025.
Prazo de xustificación das axudas concedidas: ata o 31 de decembro de 2025.
Desde o Concello de Navia lémbrase que este programa ten como obxectivo reforzar a protección social e garantir unha resposta #ante situacións de urxencia ou precariedade económica. Anímase a todas as persoas interesadas a informarse.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
