Ribadeo, 21 de maio de 2025. Ribadeo ven de solicitarlle a Turismo de Galicia colaboración para arranxar a estrada da Costa e tamén para os distintos eventos que o Concello organiza ao longo de todo o ano no municipio. Ademais danse novos pasos para a posta en marcha da oficina de turismo de Galicia na antiga Casa Maseda.
O alcalde, Dani Vega, contou que “mantivemos unha reunión de traballo con Turismo de Galicia, coa Dirección Xeral, para propoñerlle e xestionar varias cuestiones. A primeira delas, unha reunión de traballo para solicitar arranxar, dunha vez por todas, a estrada da costa. Todos somos conscientes do abandono desta estrada e tamén da variante de Rinlo, que lle chamamos así.Temos que darlle unha solución ao problema do tráfico, ao problema da falta de aparcadoiros que ten Rinlo, xa que os coches póñense en calquera punto e iso está obstaculizando o día a día dos veciños de Rinlo e tamén ese tráfico que interrompe moito a vida cotiá da veciñanza. Queremos poñerlle unha solución ao turismo que está tendo Rinlo, e que non pode ser un turismo desordenado, senón todo contrario. Se queremos traballar nese turismo de calidade temos que poñer moita inversión para dar solucións, por exemplo, a esa variante de Rinlo. Tamén dar un bo servizo, aos establecementos turístico que hai no entorno desa estrada”.
O rexedor indicou: “e polo tanto a variante de Rinlo como toda a estrada da costa, así entendemos, por parte da Xunta de Galicia vai haber unha colaboración. A xestión foi de 360.000 euros, unha cantidade moi importante e que, evidentemente, nosoutros a estrada da costa sempre fomos e somos defensores de que hai que arranxala. Xa o acreditamos arranxando Vilaselán-Rinlo, pero agora queda o seguinte tramo ao que debemos poñerlle solución. Eu creo que en breve poderemos ter noticias moi positivas”.
Vega explicou que “tamén le pedimos colaboración à Xunta de Galicia, á Dirección Xeral de Turismo, para as distintas actividades tanto festivais como eventos para o Ribadeo Indiano. En definitiva, colaboración económica para seguir dinamizando a vida de Ribadeo, ese turismo de calidade, ese turismo de todo ano, sempre o dicimos Ribadeo ten vida todo ano, polo tanto creo que dende a Xunta, dende Turismo de Galicia, debe haber unha colaboración orzamentaria para axudar, colaborar economicamente para facer tanto evento.
E grazas a esa colaboración podemos facer tantos eventos e así dinamizar Ribadeo”.
O alcalde seguiu a relatar que “tamén informamos de que foi a pleno a expropiación e a resposta das alegacións da oficina de turismo de Ribadeo, a oficina de turismo de Galicia, ese punto de información ao peregrino, que é a Casa Maseda. Xa lle trasladamos os pasos todos a Turismo de Galicia, tamén pedimos agora a urxente ocupación, e ten que dar unha solución tamén a Dirección Xeral de Administración Local”.
Para Dani Vega “son tres propostas moi importantes. Una, desde un punto de vista de infraestruturas, para seguir traballando nese turismo de calidade, a oficina de turismo, pasos importantes neste tempo, e xa lle podemos dar boas noticias á Xunta para ter esa oficina de turismo de Galicia en Ribadeo e tamén solicitarlle colaboración para as actividades que ten Ribadeo, que son moitas”.
O rexedor subliñou: “tamén temos que dicir que desde a Xunta, desde a Dirección Xeral de Turismo, felicitáronnos polo crecemento no turismo nestes 2 anos e tamén nese turismo de calidade. Pero dígoo e sublíñoo, o turismo de calidade de Ribadeo non é unha cousa deste goberno, é unha cousa de todos os gobernos porque todos intentaron, e eu creo que o conseguiron, traballar nese turismo ordenado, nese turismo de calidade. Vamos seguir nesa liña. Dende a Xunta felicitáronnos, dende a Dirección Xeral de Turismo, e tamén evidentemente, seguir coordinados no traballo da praia das Catedrais, nese monumento natural, digamos que a catedral laica de Galicia está sendo un reclamo non só para o turismo de Ribadeo, senón para o turismo de España e de Galicia”.
E engadiu: “desde a coordinación, desde a planificación, esta reunión foi moi positiva e, partir de agora, vamos ter esas colaboracións económicas e tamén solucións para que Ribadeo siga avanzando”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
