Vegadeo, 16 de maio, 2025. O Albergue Mar e Montaña de Vegadeo acollerá o próximo 25 de maio unha sesión terapeútica a través da música. Serán dúas horas de actividade, entre as 12:00 e as 14:00, organizadas por Cimasturias e dirixidas por María Fuente.
“Musicoterapia para adultos” son sesións pensadas para persoas interesadas no seu desenvolvemento persoal. Trabállase o ben-estar no presente a través da música, sen necesidade de coñecementos previos musicais. É un taller de expresión creativa que facilita a comunicación non verbal, a descarga física e emocional, axuda a diminuír o estrés e a ansiedade e mellora o estado de ánimo. Neste tipo de obradoiros apréndense diferentes técnicas de relaxación e experiméntase un mundo de sons, sen esquecer as vibracións dos cuncos tibetanos.
A terapeuta María Fuente estudou música e continuou a formación na Universidade, estudando Maxisterio, a Licenciatura en Historia e Ciencias da Música e o Mestrado en Musicoterapia. Complementou estudos en Leiria (Portugal), Madrid, Guadalaxara (México), Salamanca, Cáceres e no Hospital Mount Sinaí en Nova York, onde contan con máis de trinta anos de experiencia de músico-terapia hospitalaria.
Neste momento, María Fuente realiza o doutoramento na Universidade de Santiago de Compostela e prepara a tese sobre Filosofía e Ciencia: Do pensamento musical da Antigüidade grega á musicoterapia: Unha exploración filosófica e cientifica. Laboralmente é autónoma e traballa con pesoas de todas as idades, dos 4 meses ao final da vida.
Todas as persoas interesadas poden facer a inscrición no Obradoiro a través do teléfono 629 668 251.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
