Ribadeo, 23 de maio, 2025. O BNG de Ribadeo presentou dúas mocións no pleno celebrado este martes 20 de maio. A primeira delas propoñía pedir ao bispado de Mondoñedo-Ferrol o arranxo da capela da Atalaia, e a segunda defendía a necesidade de abordar unha campaña de concienciación para a limpeza dos excrementos animais na zona urbana. As dúas foron aprobadas por unanimidade. Somos oposición, pero temos capacidade propositiva.
No anterior mandato “abordamos conversas co bispado de Mondoñedo-Ferrol nas que mostramos a necesidade de abordar actuacións, por parte da Igrexa, a respecto da situación de varios dos seus bens en Ribadeo; e foron atendidas. O mantemento do noso patrimonio require dunha actuación continuada no tempo que precisa de novas intervencións. Felicitámonos porque o goberno municipal escoitase as nosas preocupacións sobre este tema. Agardamos que siga a senda do camiño xa comezado en etapas anteriores”, explican.
“Tamén temos desenvolvido varias campañas de concienciación para a limpeza dos excrementos de animais na zona urbana. “Son un can. Non me fagas pasar por un porco“, “Lembra: can, correa, bolsa”, ou “O can é teu; as rúa e parques, de todos” (campaña na que se repartiron en varias ocasións botes de produto desinfectante para limpar os ouriños dos animais de compañía), son exemplos do traballo feito ao longo dos anteriores mandatos. Todas estas campañas son un claro exemplo da necesaria concienciación das nosas obrigas como cidadáns e cidadás: manter limpas as nosas rúas. Pero estas campañas deben ser mantidas no tempo. Non hai escusas mirando cara a atrás. De todos os xeitos, tamén nos alegra que o goberno municipal do PP escoite as nosas preocupacións ao respecto. Agora, que o leve á práctica”, engaden.
“Por outra banda, os nosos rogos e preguntas tamén foron tidos en conta. Despois de escoitar aos veciños e veciñas de Remourelle, solicitamos o arranxo da pista que sobe dos Fornos ás Lagoas. Pablo Vizoso defendeu a necesidade de arranxala. E ademais, toda a corporación concluíu que se debería amañar un dos muros de contención da Atalaia no que se está abrindo unha greta. Martín Graña propuxo que se tomasen medidas ao respecto”, conclúen.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
