Os deputados populares pediron que o goberno provincial executase os investimentos comprometidos por José Tomé e que se garantise que a Deputación continuará a cumprir coa súa competencia de cooperación cos Concellos de menos de 20.000 habitantes tanto para apoiar ao Concello de Viveiro como aos demais concellos da provincia de Lugo con criterios de transparencia e igualdade
Lugo, 27 de maio de 2025. “Un intento de comprar vontades políticas e alcaldías”. Así de contundentes se amosan os deputados do Grupo Provincial Popular tras ver no pleno de hoxe como José Tomé “se desmarcou totalmente” da promesa realizada a todos os veciños de Viveiro o pasado 13 de febreiro, cando comprometeu unha axuda de 1M€ ao Concello.
Os deputados populares recordan como o presidente da Deputación comprometera investimentos por 1M€ no municipio, ao tempo que pedía aos concelleiros de Por Viveiro que non apoiasen a moción de censura contra a entón rexedora socialista María Loureiro. “Queda claro que Tomé puxo a chequera da Deputación á disposición do PSOE para tentar evitar que prosperase a moción de censura”, denunciaron.
A proposta que defenderon hoxe os deputados do Grupo Provincial Popular consistía en que o goberno provincial executase os investimentos comprometidos por José Tomé e garantir que a Deputación continuará a cumprir coa súa competencia de cooperación cos Concellos de menos de 20.000 habitantes tanto para apoiar ao Concello de Viveiro como aos demais concellos da provincia de Lugo con criterios de transparencia e igualdade.
A realidade de Viveiro é que durante as dúas últimas décadas o desenvolvemento do municipio sufriu un estancamento e a situación económica actual do Concello é comprometida debido á xestión dos gobernos de PSOE e BNG nos últimos anos.
“Somos coñecedores de que a Deputación de Lugo ten colaborado co Concello de Viveiro, incluso, para financiar gastos correntes. Tanto o propio presidente provincial coma o PSOE teñen anunciado publicamente compromisos co Concello de Viveiro que en boa parte foron incumpridos”, afirmaron, ao que engadiron “ese é o nivel de compromiso de PSOE e BNG cos veciños de Viveiro”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
