Os populares denuncian que o alcalde focense continúa coa súa estratexia de confusión e engano, anunciando movementos sen consensuar cos grupos municipais nin coas familias afectadas
Foz, 13 de maio de 2025. O Partido Popular de Foz expresa a súa profunda indignación tras coñecer pola prensa as intencións de Cajoto respecto á residencia de maiores. O voceiro popular, Javier Castiñeira, é claro: “Sentímonos indignados ao ver como Cajoto pretende recibir a residencia da Xunta para logo feirear con ela con outras administracións. É unha falta de respecto e unha traizón tanto á soberanía municipal coma aos usuarios e traballadores”.
O PP de Foz denuncia que o alcalde continúa coa súa estratexia de confusión e engano, anunciando movementos sen consensuar cos grupos municipais nin coas familias afectadas.
A residencia, conseguida grazas ao esforzo conxunto do anterior goberno local do PP e da Xunta de Galicia, funcionou perfectamente ata que Cajoto decidiu impoñer uns prezos abusivos sen garantir axudas para quen non os puidera asumir.
O PP deixa clara a súa posición: non apoiará ningún movemento sobre a titularidade da residencia mentres non se garanta un modelo de xestión municipal e axudas efectivas aos usuarios e non permitirá que a residencia se converta nunha moeda de cambio para financiar os caprichos propagandísticos, as obras mal executadas ou as festas preelectorais de Cajoto.
“Non nos fíamos do señor Cajoto. O único que pretende é desfacerse da residencia e utilizar eses recursos para seguir malgastando”, engade Castiñeira.
Por todo isto, o PP esixe unha convocatoria inmediata dunha reunión cos voceiros da corporación municipal e coa plataforma de familiares dos usuarios da residencia para que o alcalde explique cara a cara as súas intencións, e para que “escoite tamén a nosa posición, evitando así novas sorpresas ou máis episodios de desinformación.
Desde o Partido Popular de Foz defenderán sempre un modelo de residencia público, municipal, accesible e digno, fronte aos intereses partidistas e electoralistas do actual alcalde.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Unhas xornadas participativas nas que se abordarán temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asociación Xubilados Terramar. O primeiro será este mesmo martes, 13 de maio, baixo o título: Coñece os teus dereitos como consumidor. Será ás 18:30 horas. No local social da asoc de Xubilados Terramar, na Casa do Mar.
Este domingo compartiu unha emotiva comida coa súa familia e recibiu tamén a visita do alcalde, Demetrio Salgueiro, e da concelleira de Servizos Sociais, Tamara Soto, que lle transladaron os seus parabéns. Un século de vida, historias e sabedoría compartida. Un día inesquecible rodeado de agarimo.
